Green Bay (Viskonsino)

Green Bay estas grandurbo, universitata urbo kaj diocezo en la usona subŝtato Viskonsino, en Kantono Brown. La urbego estas ĉefurbo de la kantono. Green Bay signifas en la angla "Verda golfeto".

Green Bay
Administrado
Retpaĝaro	www.ci.green-bay.wi.us [+]
Demografio
Loĝantaro	104 057  (2010) [+]
Loĝdenso	719 loĝ./km²
Geografio
Geografia situo	44° 31′ N, 88° 1′ U (mapo)44.513333333333-88.015833333333 [+]
Alto	177 m [+]
Areo	144,72724 km² ( 144 72. 724 ha) [+]
Horzono	UTC-06:00 [+]
DEC Situo de Green Bay
Alia projekto
Vikimedia Komunejo Green Bay, Wisconsin [+]

Golfo Green Bay

Bazaj informoj

• Koordinatoj: 44° 30′ N 88° 01′ U (mapo)
• Areo: 145 km²
• Loĝantaro: 105.809
• Supermara alteco: 177 m
• Horzono: UTC-6h (en somero UTC-5h )
• Poŝtkodoj: 54301-08, 54311, 54313, 54324, 54344
• Telefonkodo: 920

Geografio

Urbodomo en Green Bay

Juĝejo en Green Bay

Green Bay estas situa ĉe la suda fino de la golfeto kun la sama nomo. La golfeto de "Green Bay" estas parto de Lago Miĉigana. Green Bay ankaŭ estas la komenco de la rivero "Fox River". La urbego troviĝas sur montetaro en la norda landparto de Usono, en la orienta parto de la subŝtato. Milvokio troviĝas 180 km.

Historio

En tiu areo dekomence indianoj vivis. La unuaj eŭropanoj estis francoj alvenintaj en la 17-a jarcento. Ili fondis malgrandan komercostacion "La Baie des Puants" en 1634. Fortikaĵo estis alkonstruita en 1717. Ĝi urbiĝis en 1754 kaj brita dominado ekestis en 1761. Baldaŭe la urbeto prenis la nunan anglan loknomon. En 1783 la urbeto iĝis parto de Usono, la usona armeo konstruis fortikaĵon "Fort Howard" en 1816. Paperofabriko ekfunkciis en 1865. Najbaraj urbetoj, vilaĝoj aliĝis al Green Bay en 1854. En la 1850-aj jaroj alvenis multe da enmigrantoj, ekzemple belgoj, germanoj. La fervojo alvenis en la 1860-aj jaroj. Nun Green Bay estas industria grandurbo.

Klimato

En Green Bay la temperaturo averaĝe varias inter 1-13 °C. La varmo kulminas en julio averaĝe 27 °C, rekorde 40 °C. La malvarmo kulminas en januaro averaĝe -12 °C, rekorde -35 °C. La tutjsara precipitaĵo estas 749 mm. En ĉiuj monatoj oni mezuras precipitaĵojn. Ĝi kulminas en junio kaj malkulminas en februaro.

Trafiko

El Green Bay kuras aŭtovojoj kaj trajnoj al Miĉigano kaj Milvokio. La urbego havas havenon kaj flughavenon.

Katedralo en Green Bay

Urbomezo de Green Bay

Vidindaĵoj

• katedralo de Sankta Francisko
• Amuzparko
• botanika ĝardeno
• teatro Meyer
• Nacia fervoja muzeo
• muzeo Neville
• bestoĝardeno

Fontoj

• Képes Világatlasz ISBN 963 8475 38 2
• Tiu ĉi artikolo tradukiĝis helpe de WikiTrans, estis prenitaj nur tiuj frazpartoj, kiuj estis sencohavaj el anglalingva Vikipedio