Grizastria frankolino
La Grizastria frankolino (Francolinus griseostriatus) estas birdo de la familio de Fazanedoj de la ordo de Kokoformaj kaj grupo de afrikaj frankolinoj. Ĝi estis priskribita en 1890 el specimeno el la rivero Kvanzo de norda Angolo. Ĝi formas superspecion kun F. ahantensis kaj F. squamatus; tiuj tri specioj estis separataj en la genro Squamatocolinus. Oni ĵus proponis reorganizadon de tiuj specioj de Francolinus en la genro Pternistis kun 23 aliaj specioj.
 | ||||||||||||||
|---|---|---|---|---|---|---|---|---|---|---|---|---|---|---|
 Grizastria frankolino
| ||||||||||||||
| Biologia klasado | ||||||||||||||
| ||||||||||||||
| Francolinus griseostriatus (Ogilvie-Grant, 1890) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
Tiu afrotropisa specio troviĝas kiel endemio nur en Angolo en du disaj populacioj en okcidenta Angolo (suda Kvanzo kaj okcidenta Milanje) kaj suda Bengelo kaj plej nordorienta Huila. Ties natura biotopo estas subtropikaj aŭ tropikaj sekaj arbaroj, humidaj arbaroj de malaltaj teroj kaj sekaj herbejoj de malaltaj teroj. Ĝi estas minacata pro habitatoperdo.
Temas pri grizbruna specio kun pli malhelbruna krono, malhelbruna vango kaj tre malhela dorso tre strieca. La subaj partoj estas sablokoloraj kun bruna markata strieco en flankoj. La beko estas nigreca kaj la kruroj ruĝecaj. Tiom tre markata strieco nomigas la specion kaj en la komuna nomo kaj en la latina scienca nomo.
Vidu ankaŭ redakti
Fonto redakti
- BirdLife International 2006. Francolinus griseostriatus. 2006 IUCN Ruĝa Listo de Minacataj Specioj. Konsultita la 10an de julio 2007.
