Grizokula hilofilo
La Grizokula hilofilo (Hylophilus amaurocephalus) estas specio de birdo de la familio de Vireedoj kaj genro de Hylophilus, kiuj estas malgrandaj paserinoj de Sudameriko, pli verdecaj birdoj ol la tipa en la familio genro de Vireoj, el kiu ĝenerala koloro devenas la nomo, esperantigita kiel Hilofiloj aŭ pli kompreneble verduloj.
 | ||||||||||||||
|---|---|---|---|---|---|---|---|---|---|---|---|---|---|---|
_-_Gray-eyed_Greenlet.jpg) .jpg) Grizokula hilofilo
| ||||||||||||||
| Biologia klasado | ||||||||||||||
| ||||||||||||||
| Hylophilus amaurocephalus (Nordmann, 1835) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
Situo redakti
Ĝi troviĝas iom en Bolivio kaj ĉefe en Brazilo. Ties natura habitato estas subtropikaj aŭ tropikaj sekaj arbaroj, humidaj arbaroj de malaltaj teroj, seka arbustaro kaj tre degraditaj iamaj arbaroj.
Priskribo redakti
Ĝi estas specio tre simila al la proksima parenco nome Ruĝeckrona hilofilo, tio estas ĝenerale olivverdecaj supraj partoj kaj sablokoloraj al flavecaj subaj partoj krom blankecaj gorĝareo kaj suba ventro. La krono estas brikruĝa. La vizaĝo estas grizeca sed ne estas klara marko de nigreca strieco ĉe orelareo, kio distingas la specion el la parenco. La kruroj estas grizecaj kaj la beko grize, fortika kaj akrapinta.
Ĝis ĵuse tiu specio estis konsiderata subspecio de la proksima parenco nome Ruĝeckrona hilofilo. Nun ĝi estas konsiderata plena specio kaj endemio el Brazilo. Spite la nomo, tio ne estas klara distingilo ĉar la iriso povas varii el griza al bruna. La ĉefa distingilo el la Ruĝeckrona hilofilo estus la ne tiom markata nigreca vango, kio, kune kun la latina scienca nomo amaurocephalus tio estas “de maŭra kapo” kaj metafore “de nigreca kapo” aŭ “de griza kapo”, donus en Esperanto similan nomon Grizvanga hilofilo; tamen preferindas Grizokula hilofilo pro kongruo kun kelkaj nacilingvaj nomoj ekzemple en la portugala, propra de la regiono.
Referencoj redakti
- BirdLife International 2004. Hylophilus amaurocephalus. 2006 IUCN Ruĝa Listo de Minacataj Specioj. Konsultita la 26an de julio 2007.
