Hala Stulecia

(Alidirektita el Hala Ludowa)
Hala Ludowa / Jahrhunderthalle, nun nomata la Jarcenta Halo

Hala Stulecia (pole "jarcenta halo" aŭ, en tempoj de de la socialisma ŝtato Pola Popola RespublikoHala Ludowa, "popola halo") estas historia konstruaĵo en Vroclavo, Pollando, kiu estis konstruita sub la germana nomo Jahrhunderthalle ("jarcenta halo") dum la jaroj 1911 ĝis 1913 laŭ planoj de Max Berg. La konstruaĵo celis memorigi pri la kontraŭnapoleonaj bataloj, cent jarojn antaŭe. Ĝia kupolo estis konstruita el ferbetono kaj kun sia interna diametro de 69 metroj siatempe estis la plej granda kupolo en Germanio.

La konstruaĵo estis akceptita la 13-an de julio 2006 sur listo de mondaj kulturaj heredaĵoj de Unesko – kun sia origina, germana nomo Jahrhunderthalle.