Horst Gruner

germana esperantisto kaj diplomato

Horst Gruner - naskiĝis la 29-an de julio 1959, do nun 58-jara - estas germana esperantisto kaj diplomato. Pasiginte sian infanecon en la loĝloko Schöneck proksime de Hanau, li studis geografion en Parizo kaj en la bonna universitato, kaj poste eniris la diplomatan servon de la germania ministerio pri eksteraj rilatoj. Dum tiu tempo - fine de la studo kaj komence de la diplomata eduko - li de 1988 ĝis 1994 aktivis kiel kunlaboranto en la Germana Esperanto-Centro en Bonno, estis kunverkinto de instruilaro kaj pluraj nacilingvaj versioj de Gerda malaperis kaj de vortaro svahila-Esperanto. Fine de la 1990-aj jaroj li iĝis diplomato en la germana ambasadejo de Daresalamo, Tanzanio, poste dum pluraj jaroj laboris en la ministerio en Berlino, dum la 2000-aj jaroj estis ataŝeo pri ekonomio en la germana ambasadejo en Jaundeo, Kameruno kaj ekde la komenco de la 2010-aj jaroj laboras en la germana ambastadejo en Kinŝaso, DR Kongo.

La 30-an de aprilo 2014, ĵus atinginte aĝon de ekzakte 20 000 tagoj, li rete publikigis kalkulon[1], laŭ kiu li dum 4 462 tagoj, do dum pli ol 12 jaroj, vivis en 17 afrikaj landoj, precipe en Kameruno (1 262 tagoj), Tanzanio (1 108 tagoj), Alĝerio (881 tagoj), Kongo Kinŝasa (do DR Kongo, 598 tagoj) kaj Ekvatora Gvineo (279 tagoj). Kompare pli modestas la vivtempo en Francio (360 tagoj), Usono (342 tagoj) kaj Kamboĝo (268 tagoj).

Li estas edzo de togolanda pedagogino, kiu ankaŭ esperantistiĝis, kaj la paro havas filinon ĉi-jare 18-aĝan.

ReferencojRedakti

Eksteraj ligilojRedakti