István Nécsey
István Nécsey [iŝtvAn nEĉei], laŭ hungarlingve kutima nomordo (kaj pli komplete) Nécsey István Bálint estis hungara pentristo, ilustristo pri bestoj, precipe birdoj kaj papilioj, amatoraj entomologo kaj ornitologo.
| István Nécsey | |
|---|---|
| |
| Persona informo | |
| Naskiĝo | la 12-an de februaro 1870 en  Verebély (Hungara reĝlando)
|
| Morto | la 26-an de marto 1902 en  Munkeno (Germana Regno)
|
| Ŝtataneco | Hungario 
|
| Familio | |
| Patro | József Nécsey (en) 
|
| Frat(in)o | |
| Okupo | |
| Okupo | pentristo ilustristo entomologo
|
István Nécsey [1] naskiĝis la 12-an de februaro 1870 en Verebély (Hungara reĝlando, nuntempa Vráble en Slovakio), li mortis la 26-an de marto 1902 en Munkeno (Germana Regno).
Biografio
redaktiIstván Nécsey abiturientis en 1887, poste li studis private de Simon Hollósy en Munkeno kaj duonjaron en belarta akademio en la sama urbo. Inter 1890-1892 li studis en akademio Julian en Parizo. Liaj plej gravaj instruistoj estis Jules Joseph Lefebvre kaj Jean-Joseph Benjamin-Constant. Post siaj studoj li estis soldato du jarojn, poste li komencis desegnadi bestojn en sia naskiĝurbo. Krom la bestoj li pentradis portretojn, ĝenrojn, etnografiaĵojn kaj ekleziajn temojn. Li debutis en ekspozicio en 1896, en la sama jaro li ilustris librojn. Inter 1893 kaj 1902 li okupiĝis ankaŭ pri entomologio. Estis tiaj papilioj, kiujn li desegnis la unua. Li mortigis sin pro senrekompenca amo.
Elektitaj pentraĵoj
redakti- memportreto (vidu dekstre la bildon!)
Elektitaj ilustraĵoj
redakti- Magyarország madarai (trivoluma libro, 1896)
- libroj de Jenő Zichy, Béla Pósta, Lajos Bíró
Fontoj
redakti- hungarlingva biografio teksto Arkivigite je 2018-07-07 per la retarkivo Wayback Machine
- germanlingva biografio
- slovaklingva biografio kun foto kaj bildoj