János Novák
János NOVÁK [jAnoŝ], laŭ hungarlingve kutima nomordo Novák János estas hungara reĝisoro, teatrestro, komponisto. Lia frato estis Emil Novák.
| János Novák | |
|---|---|
| Persona informo | |
| Naskiĝo | 16-an de aŭgusto 1952 (71-jaraĝa) en Budapeŝto |
| Ŝtataneco | Hungario |
| Alma mater | Muzikakademio Franz Liszt • Universitato de Dramo kaj Filmo |
| Familio | |
| Frat(in)o | Emil Novák |
| Okupo | |
| Okupo | muzikisto • komponisto • reĝisoro • teatrestro • kantotekstisto |
János Novák [1] naskiĝis la 16-an de aŭgusto 1952 en Budapeŝto (laŭ kelkaj fontoj la naskiĝdato estas la 26-a).
Biografio redakti
János Novák frekventis gimnazion en sia naskiĝurbo, poste li akiris violonĉelistan diplomon en Muzikakademio Franz Liszt en 1973. Jam antaŭ la diplomo li komponadis muzikaĵojn ekzemple por Teatro Thália (Budapeŝto) kaj Teatro Madách aŭ li estis muzikisto. En la jaroj 1975 kaj 1976 li plulernis en muzika altlernejo en Munkeno. Inter 1977-1992 li estis muzika gvidanto de Teatro Radnóti, poste li estis fondinta teatrestro kaj reĝisoro de Pupteatro Kolibri. En 2003 li akiris plian diplomon en Universitato de Dramo kaj Filmo (Budapeŝto). Tiutempe li estis "ĉiufaranto" en porinfanaj spektakloj, li ofte laboris kune kun Tamás Cseh. Li ricevis plurajn premiojn ekde 1995.
Elektitaj teatraj reĝisoraĵoj redakti
- Ágnes Nemes Nagy: Bors néni (ankaŭ scenaristo kaj komponisto; 1980, 1994-1995, 1997-1998, 2003-2005, 2008, 2012)
- Jonathan Swift: Gulliver en Liliputlando (1995)
- William Shakespeare:
- Hamleto (2001)
- Somermeznokta sonĝo (2009-2010)
- Sándor Petőfi: János vitéz (2012)
Elektitaj komponaĵoj por filmoj aŭ teatroj redakti
- Kokluŝo (filmo) (1986)
- Lumpáciusz Vagabundusz vagy a három jómadár (pupteatra spektaklo, 1981, 1984)
- Franciska vasárnapjai (filmo, 1996)
- A fogság nyomában (filmo, 2006)
