János Salamon
János Salamon [jAnoŝ ŝalamon], laŭ hungarlingve kutima nomordo Salamon János estis hungara violonisto, orkestrestro.
| János Salamon | |
|---|---|
 János Salamon | |
| Persona informo | |
| Naskiĝo | 1824 en Klausenburg/Kolozsvár (Transilvanio, Habsburga Imperio) |
| Morto | la 21-an de marto 1899 en  Kolozsvár (Hungara reĝlando)
|
| Tombo | Tombejo Házsongárd |
| Ŝtataneco | Hungario |
| Okupo | |
| Okupo | violonisto |
János Salamon [1] naskiĝis en 1824 en Klausenburg/Kolozsvár (Transilvanio, Habsburga Imperio, nuntempa Cluj en Rumanio), li mortis la 21-an de marto 1899 en Kolozsvár (Hungara reĝlando, nuntempa Cluj en Rumanio).
Biografio redakti
János Salamon devenis el cigana familio. Li aĝis 11, kiam li fondis ciganan popolorkestron, post 3 jaroj li jam faris turneon en Transilvanio. Li kun la orkestro aliĝis al la Hungara revolucio de 1848, ili estis armeaj muzikistoj, sed li uzis plej ofte blovinstrumentojn. Post falo de la liberecbatalo li muzikadis en sia naskiĝurbo en konataj restoracioj. Li ofte violonadis malpermesitajn melodiojn (ili estis marŝoj de la revoluciuloj), tial li ofte estis en prizono. Inter 1894 kaj 1898 li ofte estis malsana, tiam lia filo estis la orkestrestro. Dum 22 jaroj li muzikadis senpage dum datrevena tago de la revolucio. Lia tomboŝtono estas videbla en Tombejo de Házsongárd.
Elektita repertuaro redakti
- Kossuth Lajos azt üzente
- Akkor csinos a bakancsos
- Fel, fel vitézek, a csatára
- marŝoj pri Francisko Rákóczi la 2-a, Lajos Kossuth, György Klapka