Jászárokszállás

Jászárokszállás [jAsAroksAlAŝ] estas urbo en Hungario en regiono Norda Ebenaĵo en departemento Jász-Nagykun-Szolnok en Distrikto Jászberény. La loknomo signifas hungare jaso-sulkego-tranoktejo.

Jászárokszállás
Flago Blazono
Areo	77 km² (7 700 ha)
Loĝantaro	7 810
Poŝtkodo	5123
Telefona antaŭkodo	57
Vikimedia Komunejo: Jászárokszállás
Retpaĝo: www.jaszarokszallas.hu

Banejo de Jászárokszállás

Situo

Jászárokszállás estas la plej norda jasa loko, ne tro for de grava ŝosea kaj fervoja trafikvojoj inter Budapeŝto kaj Miskolc. Oni okupiĝas pri agraraj produktoj. Najbara vilaĝo estas Csány [ĉanj], kie oni produktas la plej bonajn akvomelonojn.

Historio

Ŝajnas, post Kristo 300 jarojn tie konstruiĝis longa sulkego (remparo), onidire Remparo de Ĉorso. Ĝis la 20-a jarcento tio estis videbla. La regiono apartenas al "Jasujo", en la 13-a jarcento jasoj ricevis permeson loĝi ĉe la rivero Zagyva. En 1756 la komunumo ricevas rangon kampurbo, iĝis urbo ekde 1991. Nuntempe la kuracbanejo prosperas.

Preĝejoj

• romkatolika kapelo omaĝe al Neĝa Dipatrino de 1838
• kapelo omaĝe al Koro de Jesuo
• romkatolika baroka Preĝejo de Sankta Triunuo (Jászárokszállás) de 1630, en 1767 renovigita, la turo estas 42 m-ojn alta

Famuloj

En Jászárokszállás naskiĝis:

• aktoroj Jenő Balassa, János Görbe kaj Imre Pethes
• ceramikisto Anna T. Surányi
• ekonomikisto Jenő Czettler
• kantisto Ilona Nagykovácsi
• kuracisto Elemér Scipiades
• pentristo József Szathmáry
• politikisto Ferenc Donáth.

Ĝemelurboj

• Zegocina, Pollando

Komunumoj de jasoj en Hungara reĝlando

Jászágó	Jászalsószentgyörgy	Jászapáti	Jászárokszállás
Jászberény	Jászboldogháza	Jászdózsa	Jászfalu
Jászfelsőszentgyörgy	Jászfényszaru	Jászivány	Jászjákóhalma
Jászkarajenő	Jászszentandrás	Jásztelek