József Batthyány

Grafo József Batthyány [jOĵef BatjAnji], laŭ hungarlingve kutima sinsekvo kaj laŭ plena nomo Batthyány József Félix János Nepomuk Ádám estis hungara pastro, kardinalo, primaso, episkopo, kanoniko, preposto, mecenato. Lia nobela antaŭnomo estis németújvári.

Skulptaĵo pri József Batthyány

Primasa palaco en Bratislavo

József Batthyány [1] naskiĝis la 30-an de januaro 1727 en Vieno. Li mortis la 23-an de oktobro 1799 en Hungara reĝlando en Pozsony (nuntempa Bratislavo en Slovakio).

Biografio

József Batthyány frekventis gimnazion en Kőszeg, poste li lernis juron, filozofio]]n kaj teologion en Nagyszombat. Li ricevis la pastran rangon kanoniko en 1752 en Esztergom, post 3 jaroj preposto en Pozsony, en 1759 dekano de Bars, en 1759 episkopo de Transilvanio, en 1760 ĉefepiskopo de Kalocsa, en 1776 primaso de Esztergom, post 2 jaroj kardinalo. Inter 1778-1781 li konstruigis primasan palacon en Pozsony, kiu estas elstara konstruaĵo de la tiutempa Hungarujo. En 1790 li malfermis la hungaran parlamenton hungarlingve.

Elektitaj publikaĵoj

• Panegyricus divo Ladislao regi Hungariae apostolico dictus… (1746)
• Exercitatio academica de conciliis altero juris eclesiastici fonte… (1757)
• Sermo dum pallium archiepiscopale suscepit… (1776, ankaŭ hungare)
• Kanzelrede… (1783)
• Egyéb országgyűlési beszédei (Ceteraj parlamentaj paroladoj), (1795)

Memorigiloj

• skulptaĵo en Kalocsa

Fontoj

• hungarlingva biografio (la teksto estas legebla maldekstre post klako al litero B kaj serĉante ĝin el la aboco-listo)
• hungarlingva biografio (la teksto estas legebla pli malsupre)
• hungarlingva biografio