Jair Rosenblum

Jair Rosenblum (יאיר רוזנבלום, prononco [jaIR RO:znblum], ankaŭ jide latinliterigata Yair Rozenblum, la familia nomo germanlingve signifas "roza floro") estis israela komponisto naskiĝinta la 6-an de januaro 1944 en Tel-Avivo kaj mortinta la 27-an de aŭgusto 1996 en Holon.

Jair Rosenblum
Persona informo
Naskiĝo	6-an de januaro 1944 (1944-01-06) en Tel-Avivo
Morto	27-an de aŭgusto 1996 (1996-08-27) (52-jara) en Holon
Mortokialo	ezofaga kancero
Loĝloko	Beit HaShita
Ŝtataneco	Israelo
Memorigilo
Okupo
Okupo	komponisto
TTT
Retejo	https://yairrosenblum.co.il

memorplato pri Jair Rosenblum en Tel-Avivo

Vivo

Rosenblum naskiĝis en Tel-Avivo. Sian militservon en la israela armeo li plenumis kiel akordionisto de la armea muzika grupo Naĥal (akronimo de Noar Ĥaluzi Loĥem (נוער חלוצי לוחם, „batala pionira junularo“). En la 1960-aj kaj 1970-aj jaroj li estis la muzika direktoro de la koruso de la israela armeo.

Rosenblum komponis kantojn por la muzikaj ensembloj de la israelaj armeo kaj mararmeo, kiujn li ankaŭ direktis. Precipe li estis konata pro la kanto Ŝir LaŜalom (שיר לשלום, en Esperanto "Kanto por Paco") de Jaakov Rotblit de 1969. Li ankaŭ komponis muzikon por filmo kaj televido kaj laboris kun kelkaj popmuzikaj bandoj kaj korusoj. Krome multajn jarojn li gvidis la ĉiujarajn israelajn muzikfestivalojn. Li en sia arta vivo komponis pli ol 1 000 kantojn, inkluzive de Giv'at HaTahmoŝet (גבעת התחמושת, en Esperanto "Batalo de la municio-monteto")' 'Ŝalva' '( שלווה, en Esperanto "trankvilemo") kaj Ma Avareĥ ( מה אברך, en Esperanto "per kiu mi benos lin").

En la aĝo de 52 jaroj li mortis post du jaroj da malsano.