Jenő Halmi (1877)
Jenő Halmi (pli aĝa) laŭ hungarlingve kutima nomordo Halmi Jenő estis hungara aktoro, teatrestro.
| Jenő Halmi | |
|---|---|
| |
| Persona informo | |
| Naskiĝo | la 26-an de februaro 1877 en  Hidaskürt (Hungara reĝlando, Aŭstrio-Hungario)
|
| Morto | depost 1937 en nekonata loko |
| Lingvoj | hungara |
| Ŝtataneco | Hungara reĝlando |
| Familio | |
| Edz(in)o | Teréz Szalma |
| Okupo | |
| Okupo | aktoro • teatrestro |
Jenő Halmi[1] naskiĝis la 26-an de februaro 1877 en Hidaskürt (Hungara reĝlando, Aŭstrio-Hungario, nuntempa Mostová en Slovakio), li mortis depost 1937.
Biografio redakti
Jenő Halmi post la gimnazio studis en la lernojaro 1893 en la aktorlernejo de Elek Solymossy, pli poste li komencis sian aktoran karieron en teatra kompanio de Lajos Szalkai. Liaj baldaŭaj teatrestroj estis Péter Deák, Béla Fekete, Sándor Dobó, Antal Bokody, Károly Somogyi, denove Lajos Szálkai kaj Ignác Krecsányi. En 1903 ankaŭ li mem iĝis migra teatrestro. Lia teatra kompanio prezentis plej ofte operetojn ankaŭ en Kroatio, Bosnio kaj Beogrado. Li batalis dum la 1-a mondmilito kaj hejmenvenis kiel kapitano. Li denove estris migran teatran kompanion, sed ĝi bankrotiĝis pro la monda krizo. En la teatra jaro 1936 li ricevis rolojn en teatra kompanio de sia filo. Li edziĝis en 1905, filo naskiĝis en la sama jaro.
