Malfermi la ĉefan menuon

Johann Ernst Rentsch (la pli maljuna)

Johann Ernst Rentsch la pli maljuna, 1715: portreto de la komponisto Johann Sebastian Bach kiel juna viro (Angermuseum Erfurt)

Johann Ernst RENTSCH (alia skribmaniero: Rentzsch; † 1723 en Vajmaro) estis germana pentristo. Lia filo estas la pentristo Johann Ernst Rentzsch (la pli juna) (1693–1767).

Rentsch estis kortegopentristo de la vajmara duko Vilhelmo Ernesto (1662–1728). Sian ĝis nun daŭran konatecon la pentristo dankas al komponisto Johann Sebastian Bach (1685–1750). Al Rentsch oni atribuas la portreton ekestinta proksimume 1715, kiu montrus la muzikiston, kiu ekde 1708 ĝis 1717 same laboris por duko Vilhelmo Ernesto. La pentraĵo apartenas al la stoko de la muzeo Angermuseum je Erfurt kaj troviĝas kiel daŭra pruntaĵo en la Bach-domo (Eisenach).

Lia filo Johann Ernst Rentzsch (nomata la pli juna) naskiĝis la 2-an de junio 1693 en Vajmaro. En 1723 ĉi tiu sukcedis lin kiel vajmara kortegopentristo. Rentzsch la pli maljuna mortis en 1767 je Vajmaro. La Johann-Ernst-Rentzsch-Strato en Vajmaro-Niedergrunstedt estas nomata laŭ la filo, kiu en 1726/1729 surpentris la ligna barelvolbon de la tiea preĝejo St. Mauritius. La preĝejo, kiu ankaŭ servis kiel motivo por pentristo Lyonel Feininger, apartenas al la vidindaĵoj de Vajmaro.

Lia tombo troviĝas en la tiel nomata Cranach-tombokelo ĉe la suda flanko de la vajmara Jakob-preĝejo, kie estis entombigita ankaŭ Lucas Cranach la pli maljuna. same kiel pluaj 35 personoj, inter ili la pentristoj Georg Melchior Kraus, Ferdinand Karl Christian Jagemann kaj Johann Friedrich Loeber. La tomboŝtonoj troviĝas ĉe la preĝejomuro.

Nepo de Rentsch estis la saksia kortegopentristo kaj kuprogravuristo Christian Wilhelm Ernst Dietrich (1712–1774), filo de la filino de Rentsch, Johanna Dorothea.

Ĉi tiu artikolo estis redaktita tiel ke ĝi entenas tutan aŭ partan tradukon de « Johann Ernst Rentsch (der Ältere) » el la germanlingva Vikipedio. Rigardu la historion de la originala paĝo por vidi ties aŭtoroliston. (Ĉi tiu noto koncernas la version 3287224 kaj sekvajn de ĉi tiu paĝo.)