Jonathan Swift

Jonathan SWIFT ([ˈdʒɒnəθən swɪft]; esperanta enskribo de prononco Ĝonatan Svift; esperantigite Ĝonatano Svifto, aŭ Jonatano Svifto, aŭ Ĵonatano Svifto) (n. la 30-an de novembro 1667 en Dublino, m. la 19-an de oktobro 1745 en Dublino) estis angla/irlanda verkisto.

Jonathan Swift
Persona informo
Jonathan Swift
Naskiĝo	30-an de novembro 1667 (1667-11-30) en Dublino,  Reĝlando Irlando
Morto	19-an de oktobro 1745 (1745-10-19) (77-jaraĝa) en Dublino,  Reĝlando Irlando
Tombo	Katedralo de Sankta Patriko de Dublino vd
Religio	Anglikanismo vd
Etno	Anglo-Irish people vd
Lingvoj	angla vd
Loĝloko	Whitehaven vd
Ŝtataneco	Reĝlando Irlando vd
Alma mater	Kolegio Triunuo Kolegio Hertford Kilkenny College (en) vd
Partio	Tories (en) vd
Subskribo
Familio
Patro	Jonathan Swift (en) vd
Patrino	Abigail Erick (en) vd
Gefratoj	Jane Swift (en) vd
Edz(in)o	vd
Amkunulo	Esther Vanhomrigh vd
Profesio
Alia nomo	Isaac Bickerstaff • Lemuel Gulliver • M. B. Drapier • Simon Wagstaff vd
Okupo	poeto eseisto sciencfikcia verkisto publikigisto prozisto verkisto de porinfana literaturo publika konato verkisto pamphleteer (en) romanisto anglikana sacerdoto satiristo homrajta aktivulo filozofo pastro vd
Aktiva dum	1700–1745 vd
Verkado
Verkoj	La vojaĝoj de Gulivero ❦ Modesta Propono ❦ A Tale of a Tub vd
vd	Fonto: Vikidatumoj

Li studis teologion en sia naskiĝurbo, venis al Anglio en la jaro 1688 kaj fariĝis la sekretario de la politikisto kaj verkisto Sir William TEMPLE. En Anglio li ankaŭ konatiĝis kun la junulino Esther "Stella" JOHNSON, kiu inspiris lin al la verkado de poemoj kaj la taglibro A journal to Stella (Taglibro por Stela).

Ekde 1699 Jonathan SWIFT denove ekvivis en Irlando, sed li ofte vojaĝis al Londono, por partopreni la politikan vivon tie. En la jaro 1713 li fariĝis dekano de la Dublina Katedralo St. Patrick’s. Ekde tiam lia politika intereso koncentriĝis ĉefe al Irlando.

La verkaron de Swift karakterizas preciza lingvouzo kaj ofte agreseme mokanta humuro. Du partoj el la kvarvoluma satiro Gulliver’s travels (La vojaĝoj de Gulivero) nuntempe apartenas al la klasikaĵoj de la porjunulara literaturo.

Li havis grandan influon al la mondliteraturo. En Esperanto estis Sandor Szathmari, kiu samstile kaj samakre kritikis la homan socion en sia verko Vojaĝo al Kazohinio.

Famaj verkoj

• The battle of the books (satiro, 1704)
• A tale of a tub (satiro, 1704)
• The journal to Stella (taglibro/leteroj, verk. 1710-13, eld. 1784)
• Gulliver’s travels (4 partoj, 1726; reviziita eldono, 1735)
• A modest proposal (satiro, 1729)

Esperantaj tradukoj de verkoj de Jonathan Swift

Kovrilpaĝo de Liliputo; trad: E. M. Prent; 1961

• El "Vojaĝoj de Gulivero" / Jonathan Swift. En: Legolibro por kursanoj / Hrsg.: Tangerud, Odd ; p. 25 – 31
• Gulliver en Liliputlando : (mallongigita) / [Swift. Trad. M. Inman]. Ilustr. de J. R. Monsell. - Londono: Speaight and Sons, [proks. 1910]. - 62 p. : ilustr.
• Unua vojaĝo de Gulivero: Liliputo / Jonathan Swift. El angla lingvo trad. Ethel M. Prent. Antauparolo Edward Ockey. - [London]: Maitland, [1961]. - 63 p.
• La vojaĝoj de Gulivero / esperantigis Jos. A. de Roos. - Tilburgo: Smits

Eksteraj ligiloj

• Gulivero en Liliputo
• Epizodo el Gulivero en Balnibarbi