Jordi Carbonell i Pinyol
Jordi Carbonell i Pinyol (Barcelono, 4-an de februaro 1933 - Barcelono, 8-an de novembro 2024) estis apotekisto kaj kataluna esperantisto kaj Esperanto-vortaristo. Longe studis muzikon sub la gvido de Cristòfor Taltabull. En 1965 li kunlaboris kun la prestiĝa katalunlingva revuo Serra d'Or kiel muzik-kritikisto, kie li montris apartan intereson pri la klasika muziko de la 20-a jarcento.[1][2][3][4] Li aktivadis en la asocio de la loĝantoj de la kvartalo Poble Sec en Barcelono kaj kiel instruisto de la kataluna lingvo por plenkreskuloj.[5] Li membris en la Leksikografia Kunordiga Komisiono pri Sciencoj (1978-1982), ligita al la Instituto de Katalunaj Studoj, kiu celis disvolvigi la sciencan terminaron en la kataluna.[6][7]
| Jordi Carbonell i Pinyol | |
|---|---|
| |
| Persona informo | |
| Naskiĝo | 4-an de februaro 1933 en Barcelono |
| Morto | 8-an de novembro 2024 (91-jaraĝa) en Barcelono |
| Lingvoj | kataluna • Esperanto |
| Loĝloko | Barcelono |
| Ŝtataneco | Hispanio 
|
| Okupo | |
| Okupo | esperantisto apotekisto
|
Kiel esperantisto, li membris en la ĵurio de la Internaciaj Floraj Ludoj kaj estis prezidanto de la Kataluna Esperanto-Asocio (KEA) de 1987, dum la Centjariĝo de Esperanto, ĝis 1990.[8] Li tradukis al la kataluna la biografion de Zamenhof verkitan de Marjorie Boulton.[9] Kun Hèctor Alòs i Font li verkis vortaron Esperanto-katalunan (1a eld., [aprilo] 1997; 2a rev. eld., [sept.] 1997; 3a eld. kiel e-libro [pdf], 2003).[8]
Verkoj
redakti- 1997: Diccionari essencial Esperanto-català. Sabadell: Associació Catalana d’Esperanto. Kataluna Esperanto-Asocio. — "La lasta (parta) traduko de PIV 1970 kun PIVS 1987 al etna lingvo, forlasanta ĉirkaŭ du trionojn de la PIV-aj kapvortoj, aldonanta kaj markanta ĉirkaŭ 40 ne-PIV-ajn vortojn."[8]
Referencoj
redakti- ↑ «El Liceu. Comença la temporada» | Serra d'Or | Jaro VII, n-ro 2, p. 55-58 - februaro 1965 (katalune)
- ↑ «"Wozzeck" a Barcelona» | Serra d'Or | Any VII, n-ro 3, p. 36 - marto 1965 (katalune)
- ↑ «El Liceu» | Serra d'Or | Any VII, n-ro 4, p. 39-40 - aprilo 1965 (katalune)
- ↑ «Actualitat musical» | Serra d'Or | Any VII, n-ro 6, p. 37-39 - junio 1965 (katalune)
- ↑ «Jordi Carbonell i Pinyol (1933-2024)» | Esperanto*Cat | 9a de novembro 2024 (katalune)
- ↑ Fontova, Glòria. «La Comissió Coordinadora Lexicogràfica de Ciències (1977-1982): una iniciativa d’inestimable valor». Terminàlia, p. 64-67 (katalune)
- ↑ «Full Lexicogràfic» | Comissió Coordinadora Lexicogràfica de Ciències | n-ro 10 - oktobro 1981 (katalune)
- ↑ 8,0 8,1 8,2 Recenzo "En baro ĉe strando de Ejviso".
- ↑ «Més recomanacions | Per la Pau / Peace in Progress | n-ro 1 - novembro/decembro 2009» (katalune). icip.cat
Eksteraj ligiloj
redakti- Oficiala retejo de la vortaro Arkivigite je 2010-06-19 per la retarkivo Wayback Machine.
