Juan García Hortelano
Juan GARCÍA HORTELANO (Madrido, 14a de februaro 1928 - Madrido, 3a de aprilo 1992) estis hispana verkisto.
| Juan García Hortelano | |
|---|---|
| |
| Persona informo | |
| Aliaj nomoj | Luciana de Lais |
| Naskiĝo | 14-an de februaro 1928 en Madrido |
| Morto | 3-an de aprilo 1992 (64-jaraĝa) en Madrido |
| Mortokialo | Pulma kancero 
|
| Lingvoj | hispana |
| Ŝtataneco | Hispanio
|
| Okupo | |
| Okupo | verkisto poeto literaturkritikisto
|
Kariero
redaktiLi gradiĝis je Juro per la Universitato de Madrido en 1950, kaj funkciuliĝis en 1953. En 1951 li aliĝis al la Komunista Partio de Hispanio (PCE). Li partoprenis en babilrondoj kiel ĉe Café Gijón. Li ekkarieris per sia romano Barrio de Argüelles kiu iĝis finalisto de la Premio Nadal en 1956, kvankam ĝi neniam publikiĝis. En 1959 li jam publikigis sian unuan romanon, nome Nuevas amistades, kiu ricevis la Premion Biblioteca Breve; li ricevis ankaŭ la Premion Formentor de las Letras pere de Tormenta de verano (Somera ŝtormo, 1961), kiu estis tradukita al dekdu lingvoj. Admiranto de Flaubert, Proust, Sartre, Boris Vian (kiun li tradukis hispanen) kaj de Cervantes kaj Galdós, inter aliaj, li ankaŭ verkis poezion, opiniartikolojn por ĵurnalo El País, novelojn kaj eseojn pri la literaturo de verkistoj kiel Jovellanos, Cesare Pavese, Kafka, Walser, Proust, Céline, Sartre, la nouveau roman, Machado, Salinas, Onetti, Barral ktp. Liaj kompletaj verkoj estis publikigitaj de la Eldonejo Lumen.
Li famiĝis eble pro la parodia romano Gramática parda, enorma kolekto de aludoj al la franca literaturo, ĉefe per konstanta interteksto kun la romano L'Arrache-cœur (1953) de la franca Boris Vian, kies influo evidentiĝas ĉefe en la konstruado de infanaj roluloj. Los archivos secretos (La sekretaj arkivoj) estas novelaro de ampleksa gamo el la Hispana Enlanda Milito ĝis la sinadoro de la verkistoj. El gran momento de Mary Tribune estas konsiderata lia majstroverko kaj unu el ĉefaj hispanaj romanoj de la 1970-aj jaroj; temas pri la sociaj rilatoj de la rakontanto kun siaj amikoj kaj virinoj, aparte pri iu usonanino Mary Tribune, kiun li ĵus ekkonis.
Verkoj
redaktiNoveloj
redakti- Gente de Madrid (Seix Barral, 1967)
- Apólogos y milesios (Lumen, 1975)
- Cuentos completos (Alianza, 1979)
- Preparativos de boda (Almarabu, 1986)
- Mucho cuento (Mondadori, 1987)
- Los archivos secretos (Montena, 1988)
Poezio
redakti- Echarse las pecas a la espalda (Hiperión, 1977)
- El grupo poético de los años 50. Una antología (Taurus, 1978)
- La incomprensión del comercio (Ediciones B, 1995)
Romanoj
redakti- Nuevas amistades, Premio Biblioteca Breve (Seix Barral, 1959)
- Tormenta de verano, Premio Formentor de las Letras (Seix Barral, 1961)
- El gran momento de Mary Tribune (Barral Editores, 1972)
- Los vaqueros en el pozo (Alfaguara, 1979)
- Gramática parda, Premio de la Crítica (Argos-Vergara, 1982)
- Muñeca y macho (Mondadori, 1990)
Esearo
redaktiBibliografio
redakti- B. C. Zinn, The Problem of Personal and Social Identity in the Novels of JGH, Univ. of Pennsylvania, 1980.
- D. Troncoso, La narrativa de JGH, Univ. de Santiago, 1985.
- Compás de letras, 2, 1993, pri JGH.
- Juan García Hortelano, Invenciones urbanas, Cuatro ediciones, 2001.