Kariba kolombo
La Kariba kolombo (Patagioenas caribaea) estas mezgranda birdo de la familio de Kolombedoj kiu inkludas kolombojn kaj turtojn ene de la genro de Amerikaj kolomboj nome Patagioenas. La plej proksima parencoj estas la Strivosta kolombo kaj la Ĉilia kolombo, kiuj formas kladon ene de la genro Patagioenas por specioj kun fina vostostrio kaj brilega plumaro en siaj koloj.(Johnson et al., 2001)
 | ||||||||||||||
|---|---|---|---|---|---|---|---|---|---|---|---|---|---|---|
.jpg) | ||||||||||||||
| Biologia klasado | ||||||||||||||
| ||||||||||||||
 | ||||||||||||||
Aliaj Vikimediaj projektoj
| ||||||||||||||
Disvastiĝo redakti
Ĝi estas endemismo en Jamajko. Ties natura medio estas subtropikaj aŭ tropikaj humidaj malaltaj arbaroj aŭ montarbaroj. La specio estas minacata de mediperdo. Ĝi malpliiĝis ekde la 19-a jarcento unue pro troa ĉasado kaj poste pro arbarhakado por homaj loĝejoj kaj terkulturejoj; lastatempe estas inter 3,000 kaj 10,000 ekzempleroj.
Aspekto redakti
Ĝi estas granda (ĉ. 41 cm longa) kaj malhela kolombo. La plumaro estas blugriza ĉefe ĉe flugiloj kaj pli malhelgriza en flugilpintoj kaj vostopinto, sed kun rozkolora nuanco en la resto de la korpo. En vosto estas nigra antaŭfina strio disde la griza komenca duono. La beko estas nigra kaj la kruroj estas ruĝaj. Plenkreskuloj havas verdecajn brilkolorojn dorse de la kolo kaj ĉe nuko. La okulringo estas ruĝa. La voĉo estas “kru-kru-kruuu”.
Kutimoj redakti
Ili manĝas en grupoj fruktojn aŭ semojn. La neston oni konstruas alte en arbo.
Referenco redakti
- BirdLife International 2004. Patagioenas caribaea. 2006 IUCN Ruĝa Listo de Minacataj Specioj. 24a Julio 2007.
Eksteraj ligiloj redakti
- Anglalingva ejo pri Kariba kolombo Arkivigite je 2008-11-23 per la retarkivo Wayback Machine