Kataluna Esperanto-Junularo

Kataluna Esperanto-Junularo (katalune: Joventut Catalana d'Esperanto) estas la junulara Esperanto-organizo en Katalunio. Neformale fondita fine de la 1970-aj jaroj, ĝi formale ekfunkciis en 1985 kiel sekcio de Kataluna Esperanto-Asocio kaj ekeldonis la "revujon" Kata Luno. En 1988 fariĝis Landa Sekcio de TEJO. Inter 1990 kaj 1993 ĝi publikigis la revuon Freqüències (Revista de llengües i pobles) en la kataluna.

Post vigla aktivado ĝis la komenco de la 1990-aj jaroj, ĝi stagnis ĝis ĉirkaŭ la jaro 2000, kiam nova estraro estis elektita kaj kelkaj klopodoj revigligi la asocion kaj eldoni novan revuon estis organizitaj. En tiu senso kelkaj renkontiĝoj estis organizitaj, interalie kun la kunlaboro de trinkejo Badlands en Barcelono. Poste, ekde 2005, nova generacio de aktivuloj el Katalunio kaj Valencilando relanĉis la organizon, organitzante interalie pliajn kaj tre sukcesajn renkontiĝojn.

Nuna estraro

• Estraro: Antoni Gimeno, Jordi Calafí, David Ruiz, Maria Sánchez i Jesús García

Prezidintoj

• Òscar Puig i Cánovas (1985)
• Hèctor Alòs i Font (1986-1987)
• Gemma Armadans i Gil (1988-1993?)
• Lluís Garcia (?-2005)
• Lluís Batlle i Rossell (2006)
• Jordi Aromí i Martos (2007-2008)
• Anna Raventós i Gascon (2008-)
• Krishna Sivillà i Rubio (2016-)
• Antoni Gimeno i Cortés (2019-Actualitat)

Vidu ankaŭ

• Renkontiĝoj de KEJ
• Eldonaĵoj de KEJ

Eksteraj ligiloj

• TTT-ejo de Kataluna Esperanto-Junularo Arkivigite je 2007-10-09 per la retarkivo Wayback Machine
• Kronologio de la kataluna Esperanto-movado