Kiburgo ZH

Kiburgo
Blazono de Kiburgo
Komunumo kaj Kastelo Kiburgo
Kantono	Zuriko
Distrikto	Pfäffikon
Koordinatoj	47° 27′ 29″ N 8° 44′ 42″ O (mapo)
Nombro de loĝantoj	400
Areo	7,58 km²
Alteco	640 m super marnivelo
Poŝtkodo	8314
Komunumkodo	0175
Mapo de Kiburgo

Pri la komunumo

Kiburgo estas komunumo en la distrikto Pfäffikon, Kantono Zuriko, Svislando. Ĝi havis 400 loĝantojn je la 31-a de decembro 2007.

Geografio

Kiburgo situas sur Molasomonteto 5 km sude de Vinterturo. De Kiburgo oni havas belan vidon al la urbo Vinterturo kaj ĝia regiono.

Najbaraj komunumoj

La komunumo Kiburgo limas en nordo al Vinterturo, en nordoriento al Zell, en sudoriento al Weisslingen, kaj en sukokcidento kaj okcidento al Illnau-Effretikon.

Trafiko

Kiburgo estas atingebla per poŝtaŭtobuso, kiu apartenas al reto de la Zurika Trafik-Unio de la stacidomo de Effretikon en kvaronhoro. La plej proksima alveturejo al la svisa aŭtovojo A1 situas proksimume 3 kilometrojn nordokcidente proksime de Effretikon.

Historio

Unua mencio de la setlejo Kiburgo datiĝas el la jaroj 1262 ĝis 1264. La historio de la komunumo estas forte ligita kun tiu de la samnoma kastelo, kies unua mencio datiĝas el la jaro 1027 kiel Chuigeburch. Kiam en la jaro 1273 Rudolfo la 1-a kroniĝis kiel imperiestro de la Sankta Romia Imperio dum pluraj jaro la kastelo Kiburgo estis lia ĉefrezidenco, kie estis konservitaj la simboloj de la imperio. Dum tiu tempo Kiburgo estis kvazaŭ la centro de la giganta habsburga imperio. En la jaro 1337 Kiburgo ricevis la privilegion de impoŝtolibereco kaj la kiburganoj havis nur limigitan armeservodevon, en la jaro 1370 la loko ricevis merkatorajton. En la jaro 1424 la malalta jurisdikcio falis al la urbo Zuriko kaj 1452 ankaŭ la supera, ĉar la Habsburgoj pro monomanko post la Malnova Zurika Milito bezonis monon.

Vidu ankaŭ

• Kastelo Kiburgo
• Grafoj de Kiburgo
• Grafejo Kiburgo
• Kiburgo

Eksteraj ligiloj

• Oficiala retejo de la komunumo Kyburg
• Kiburgo ZH en la Historia Leksikono de Svislando germane france itale