Konsilio de Eŭropo

La Konsilio de Eŭropo estas politika interregistara organizaĵo fondita en 1949 kun ĉefsidejo en la Palaco de Eŭropo, Strasburgo, Francio. Ĝia misio estas garantii demokration, homajn rajtojn kaj justecon en Eŭropo. Ĝi enkalkulas 800 milionojn da homoj en 47 ŝtatoj (kontraste al 27 en Eŭropa Unio). La Konsilio de Eŭropo celas konstrui pli grandan Eŭropon bazitan sur komunaj valoroj, inkluzive de toleremo kaj respekto al kultura kaj lingva diverseco[1].

Emblemo de la Konsilio de Eŭropo
Elaera vidaĵo de la Palaco de Eŭropo, sidejo de la Konsilio de Eŭropo.

Memore al ĝia fondiĝo, oni festas ĉiujare, la 5-an de majo, la Eŭropan tagon.

Eblaj konfuzojRedakti

Atentu ne konfuzi la Konsilion de Eŭropo kun:

  • la Konsilio de Eŭropa Unio, kiu estas politika kaj leĝfara institucio de Eŭropa Unio, kaj kiu konsistas el la membroŝtataj ministroj;
  • la Eŭropa Konsilio, kiu konsistas el la registarestroj (ŝtatestroj aŭ kabinetestroj) de la membroŝtatoj de Eŭropa Unio – ĝi difinas la esencon de la ĝenerala politiko de Eŭropa Unio.

CelojRedakti

La Konsilio de Eŭropo celas:

  • Defendi la homajn rajtojn kaj la parlamentan demokration, kaj garantii la unuaecon de juro;
  • Ellabori kontinentskalajn traktatojn por harmoniigi la socialajn kaj jurajn praktikojn de la membroŝtatoj;
  • Faciligi la konsciiĝon pri eŭropa identeco surbaze de komunaj valoroj kaj malgraŭ la kulturaj diferencoj.

OrganojRedakti

La ĉefaj organoj de la Konsilio de Eŭropo estas:

Traktatoj kaj rekomendojRedakti

La Konsilio de Eŭropo ellaboris 199 traktatojn aŭ konvenciojn pri homaj rajtoj, lukto kontraŭ la organizita krimularo, prevento de torturo, protekto de la datenoj, de malplimulto, kultura kunlaboro, ktp... Inter ili estas:

Krome la Konsilio de Eŭropo alprenis cele al la registaroj rekomendojn, kiuj difinas ĉefprincipojn pri juro, sano, amasinformado, instruado kaj edukado, kulturo, sporto...

MembroŝtatojRedakti

 
Membroŝtatoj de la Konsilio de Eŭropo

Fondintaj membroŝtatojRedakti

  1.   Belgio
  2.   Britio
  3.   Danio
  4.   Francio
  5.   Irlando
  6.   Italio
  7.   Luksemburgo
  8.   Nederlando
  9.   Norvegio
  10.   Svedio

Ceteraj, nefondintaj membroŝtatojRedakti

  Albanio   Latvio
  Andoro   Liĥtenŝtejno
  Armenio   Litovio
  Aŭstrio   Nord-Makedonio
  Azerbajĝano   Malto
  Bosnio kaj Hercegovino   Moldavio
  Bulgario   Monako
  Ĉeĥio   Pollando
  Estonio   Portugalio
  Finnlando   Rumanio
  Kartvelio   Rusio
  Germanio   San-Marino
  Grekio   Serbio
  Hispanio   Slovakio
  Hungario   Slovenio
  Islando    Svislando
  Kipro   Turkio
  Kroatio   Ukrainio


En marto 2022, post la Invado de Rusio en Ukrainion, Rusio, sub minaco de forpelo, decidis retiriĝi el la Konsilio de Eŭropo.

Eksteraj ligilojRedakti

Vidu ankaŭRedakti

  1. (en) Images of Others An Autobiography of Intercultural Encounters through Visual Media (PDF) Council of Europe, 2013, Education Department, Language Policy Unit.