Kunkatedralo Ĉieliro (Kecskemét)
Kunkatedralo de Ĉieliro estas romkatolika preĝejo en Hungario, en urbo Kecskemét.
| Kunkatedralo de Ĉieliro | |
|---|---|
Kunkatedralo de Ĉieliro en Kecskemét
| |
| katolika preĝejo • kunkatedralo | |
| Loko | |
| Ŝtato | Hungario |
| Municipo | Kecskemét |
| Bazaj informoj | |
| Religio | kristanismo |
| Rito | romkatolika eklezio |
| provinco | Bács-Kiskun |
| diocezo | Kalocsa-Kecskemét |
| Statuso | kunkatedralo ekde 1993 |
| Arkitektura priskribo | |
| Arkitektoj | Osvald Gáspár |
| Konstruado | 1774–1799 |
| Specifo | |
| Longo | 62 m |
| Larĝo | 25 m |
| Alto | 73 m (turo), 25 m (navo) |
| Konstrumaterialo | masonita |
| Ligiloj | |
Historio redakti
Oni konstruis imponan, novan preĝejon fine de la 18-a jarcento, sed la turopinto estis preta en 1806. La turo bruliĝis en 1819, la pli nova estas videbla ekde 1863 kaj ankaŭ nun ĝi estas la plej granda konstruaĵo de la urbo.
Konstruaĵo redakti
La katedralo havas 6 flankokapelojn kaj unusolan turon super la ĉefenirejo. La turo havas rondbalkonon en alteco de 35 m kaj estas ankaŭ ĉambro por la fajrobrigado. Pli supre la horloĝo montras la tempon ekde 1899. Pli sube estas skulptaĵoj pri Sankta Petro, Jesuo, 4 evangeliistoj. Sur la fronto reliefoj estas pri Stefano la 1-a (Hungario) kaj Ladislao la 1-a (Hungario). La turo iam havis 6 sonorilojn, nun nur 3. Interne la plej grava fresko prezentas Sanktan Nikolaon. La ceteraj freskoj montras precipe hungarajn sanktulojn. La flankoaltaroj estas Sankta Jozefo, Sankta Maria, Stefano la 1-a (Hungario), Dolora Dipatrino, Koro de Jesuo, fine Sankta Petro-Sankta Paŭlo. La ĉefaltaro estas dediĉita al Ĉieliro. La bildo estis pentrita en 1778. Apartenaĵo de la navo estas nekutima granda galerio kun impona orgeno.
Sub la preĝejo estas kripto, apud la preĝejo estas baroka ĉefparoĥo. Kermeso okazas en tago de Ĉieliro.
Fontoj redakti
- Hungara Vikipedio
- hungare
