La Espero (Svedio)
|
Por aliaj signifoj, bv. rigardi la apartigilan paĝon: Espero (apartigilo) |
La Espero estas periodaĵo kaj organo de la Sveda Esperanto-Federacio (SEF), fondita en Gävle, februaro 1913, de Rudolf Pehrsson kaj Werner Wahlund.[1] En la unuaj jaroj ĝi produktiĝis kaj ekspediĝis en tiu urbo.
| La Espero | |
 Kovrilpaĝo de La Espero, majo 2016
| |
| revuo | |
|---|---|
| Speco | movada revuo |
| Formato | A4 |
|
| |
| Lando |  Svedio
|
| Urbo | Stokholmo |
| Posedanto | Sveda Esperanto-Federacio |
| Publikigisto | Leif Nordenstorm |
| Redaktisto | Bengt Olof Åradsson, Olof Pettersson |
| Establodato | 1913 |
| Prezo | 200 SEK por jaro |
| ISSN | 0014-0694 |
|
| |
La revuo enhavas raportojn pri la agadoj de SEF: jarraportojn, impresojn de Esperanto-renkontiĝoj, informojn pri aperintaj libroj, aplikaĵoj ktp. Kelkaj artikoloj aŭ fragmentoj estas verkitaj en la sveda.
Rudolf Persson komence estis redaktisto. Komence de 1915 aliĝis ankaŭ la Norvega Esperantista Ligo, fermante la antaŭan bultenon Norvega Esperantisto. Ties antaŭa redaktisto, la norvego Honoratus Bonnevie el Oslo, fariĝis kunredaktisto de La Espero ekde la decembra numero 1915 kune kun unue John Lundgren en Hedemora kaj Johan Helsing en Gävle, kaj poste inter junio 1918 kaj decembro 1920 kun Paul Nylén en Stokholmo.[2]
Oni antaŭe anoncis la kunigon en Norvega Esperantisto en 1914, kelkaj respondintoj ”promesis subtenon kaj esprimis konsenton”, kaj plimulto ne respondis. Ŝajne la agema esperantoklubo en Gävle proponis la kunigon, kiu oni vidis kiel farindan pro ekonomiaj kialoj (eble rilate al la unua mondmilito), pro kunhelpi al skandinava kunlaboro, kaj pro la ”dum pacaj tempoj ripetitan plendon ke estas tro multe da gazetoj”.[2]
Ekde januaro 1922 La Espero denove estas organo nur por svedaj esperantistoj[2] kaj Norvega Esperantisto reeldoniĝis. En 1925 la sveda gazeto estis alinomita Svenska Esperanto-Tidningen – La Espero.[mankas fonto]
Bernhard Eriksson estis redaktisto kaj prizorgis la gazeton en sia presejo ekde la fino de 1927[3] aŭ januaro 1928, EdE raportis en 1934.[4][5] Iam antaŭ 1956 Bengt Joelsson estis redaktisto, kaj iam ĉirkaŭ 1956 John Johansson.[6] Pli malfrue, Leif Nordenstorm estis redaktisto, kaj poste tio, Bengt Olof Åradsson kaj Olof Pettersson.
Redaktistoj redakti
Jen neplena lista de redaktistoj de La Espero.
- Rudolf Pehrsson (iam ekde 1913)
- John Lundgren 1913–1918
- Honoratus Bonnevie (norvego) ekde fino de 1915, kune kun
- John Lundgren kaj Johan Helsing ĝis 1918
- Paul Nylén 1918–1920
- Henning Halldor 1921–1927[7]
- Bernhard Eriksson (ekde 1927 aŭ 1928, ankoraŭ en 1933)
- Eva Julin, de 1938[8]
- Bengt Joelsson (iam antaŭ 1956)
- John Johansson (iam ĉirkaŭ 1956)
- Åke Blomberg (iam ĉirkaŭ 1971)[9]
- Franko Luin (iam ĉirkaŭ 1979)[10]
- Karin Lindquist, iam ĉirkaŭ 1988[11]
- Leif Nordenstorm
- Bengt Olof Åradsson kaj Olof Pettersson
Referencoj redakti
- Ĉi tiu artikolo baziĝas (parte aŭ tute) sur la artikolo Svedujo el la Enciklopedio de Esperanto.
- Sune Ahlm: ”75-jara: La Espero - svenska Esperantotidningen” en La Espero n-ro 1988:2, p. 20–21
- ↑ La Espero en la Aŭstria nacia aŭ regna librejo
- ↑ 2,0 2,1 2,2 Pri La Espero en retejo de SEF, arkivigita en januaro 2014
- ↑ Svedujo en la Enciklopedio de Esperanto de 1934
- ↑ artikolo Bernhard Eriksson en la Enciklopedio de Esperanto
- ↑ La Espero, oktobro 1933
- ↑ La Espero, majo 1956
- ↑ Halldor en EdE
- ↑ La Espero, majo 1942 (p. 71)
- ↑ La Espero, junio 1971
- ↑ La Espero, marto 1979
- ↑ La Espero, aprilo-majo 1988
Eksteraj ligiloj redakti
- Kopioj de multaj numeroj de La Espero ĉe pola cifera librejo KUL
- Esperanto-gazetoj tra la tuta mondo: Norda Eŭropo ĉe YouTube
- Jarkolektoj de La Espero en la Esperantomuzeo kaj Kolekto por Planlingvoj (arkiva kopio)
- Kelkaj artikoloj de La Espero en Elektronika Bibliografio de Esperantaj Artikoloj