László Somlai

SOMLAI László (Ladislao Spierer, pseŭdonimo: L. Rereips) (naskiĝis la 7-an de marto 1906 en Vajszló, mortis la 12-an de marto 1971 en Budapeŝto) estis hungara esperantisto kaj pentraĵagento.

László Somlai
Persona informo
Aliaj nomoj	L. Rereips
Naskiĝo	7-an de marto 1906 (1906-03-07) en Vajszló
Morto	12-an de marto 1971 (1971-03-12) (65-jaraĝa) en Budapeŝto
Lingvoj	Esperanto • hungara
Ŝtataneco	Hungario
Okupo
Okupo	esperantisto tradukisto

Sep Vangofrapoj, 1943

Mortanonco de László Somlai

László Somlai lernis Esperanton en 1925 kaj dum kelkaj jaroj estis prezidanto de HESL.

„ Li estis fakdelegito de UEA pri literaturo, iama kunlaborinto de Literatura Mondo, kiam ĝi estis redaktata en Budapeŝto. Estas mirinde, ke li tradukis en Esperanton pli ol cent diversajn hungarajn literaturaĵojn, el kiuj la plej menciindaj estas La Knaboj de Paŭlo-strato, La Vojoj estas Nekonataj, La Strato de Fiŝanta Kato, Amara Pano, Printempo de Morto kaj Sep Vangofrapoj. Li estis ankaŭ posedanto de unu el la plej riĉaj privataj Esperanto-bibliotekoj en la mondo. ” — 1971, Esperanto, n-ro 787 (6), p. 116

Tradukoj

• Károly Aszlányi: Sep Vangofrapoj
• Lajos Bíró: Fraŭlino Ida
• József Darvas: Amara Pano
• Jolán Földes: La Strato de Fiŝanta Kato
• Lajos Kassák: La Vojoj estas Nekonataj
• Ferenc Molnár: La Knaboj de la Paŭlo-strato (A Pál utcai fiúk), fama romano pri bataloj inter knabo-bandoj, plurfoje filmigita, Rickmansworth: Esperanto Publishing, 1938, 187 paĝoj (= La Epoko Libro-Klubo 2)
• Sándor Petőfi: La Avo, Purmerend: Muusses, 1937, 31 paĝoj (= Muusses Esperanto Biblioteko 8)
• Kálmán Porzsolt: La Vojo Malsupren
• Viktor Rákosi: For la Viandon
• Lajos Zilahy: Printempo de Morto