Nigreca mevo
La Nigreca mevo aŭ Lafa mevo (Larus fuliginosus) estas granda amerika mevo tio estas birdo de la familio de Laredoj kaj ordo de Karadrioformaj. Temas pri unu el la plej raraj mevoj en la mondo pro ties tutmonda loĝantaro kiu vivas entute en la insuloj Galapagoj de Ekvadoro kaj oni supozas, ke estas ĉirkaŭ 400 paroj aŭ 1,000 birdoj. Do estas minacata endemismo.
 | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Biologia klasado | ||||||||||||||
| ||||||||||||||
 | ||||||||||||||
Aliaj Vikimediaj projektoj
| ||||||||||||||
Aspekto redakti
Estas krome ankaŭ rara mevo laŭ plumaro, ĉar mankas kolora kontrasto inter helaj subaj partoj kaj grizaj supraj partoj de aliaj mevoj. Male plenkreskulo (post la tria jaro) havas nigrajn aŭ malhelgrizajn kapon, flugilojn (kun vere nigraj flugilpintoj), bekon (kontraste kun malhelruĝa buŝinterno) kaj krurojn kun malhelgrizaj brusto kaj ventro kaj nur helgriza aŭ preskaŭ blanka malantaŭa ventro. Ili havas ankaŭ blankajn okulajn eksterajn duonringojn ĉirkaŭ ruĝa mallarĝa okulringo. Nematuruloj estas ĝenerale malhelbrunaj.
Kutimoj redakti
La Nigreca mevo estas solecaj reproduktantoj sen specifa sezono (la tutan jaron). La ino demetas du olivkolorajn kaj bone kamuflitajn ovojn kovotajn dum malpli ol unu monato. Junuloj ekflugas post du monatoj kaj estas zorgataj de gepatroj mallonge. Ili defendas agreseme la reproduktan teritorion.
Ili estas ĉiomanĝantaj kiel plej granda parto de la mevoj de la genro Larus, ĝenerale manĝas restaĵojn aŭ rabas el aliaj nestoj, sed ankaŭ predas fiŝojn, etajn krustulojn kaj idojn de igvanoj.
La Nigreca mevo estas konsiderata "vundebla" de la IUCN Red List (Ruĝa Listo) ĉar ekzistas nur je etaj nombroj (ĉirkaŭ 1,000 birdoj aŭ 400 paroj) kaj kvankam la loĝantaro estas stabila, ĝi riskas multnombrajn minacojn.
Referencoj redakti
- Tutmondaj mevoj Arkivigite je 2007-09-27 per la retarkivo Wayback Machine
- Darvina Fondaĵo Arkivigite je 2005-12-12 per la retarkivo Wayback Machine
Eksteraj ligiloj redakti
- BirdLife Datumbazo pri Specioj Arkivigite je 2007-09-29 per la retarkivo Wayback Machine
- La Nigreca mevo en la Ruĝa Listo