Lena Karpunina
Lena KARPUNINA (naskiĝis en 1963 en Kaluga, Sovetunio — mortis la 4-an de novembro 2013[1] en Berlino, Germanio), estis rusdevena Esperanto-verkistino el Taĝikistano (tiuepoke la Respubliko en Sovetunio), kiu plenkreskiĝis en ties ĉefurbo Duŝanbeo kaj poste devige translokiĝis al Germanio pro milita intercivitana konflikto en Taĝikistano. De 2010 ĝis sia morto, ŝi estis membro de la Akademio de Esperanto, elektita ĉefe pro siaj meritoj en la literatura kampo.[2]
| Lena Karpunina | |
|---|---|
 Lena Karpunina | |
| Persona informo | |
| Naskiĝo | 1963 en  Kaluga, Rusio
|
| Morto | 4-a de novembro 2013[1] en  Berlin, Germanio
|
| Lingvoj | rusa • Esperanto |
| Nacieco | rusino |
| Ŝtataneco | Sovetunio • Taĝikio |
| Alma mater | Taĝika Teknika Universitato Muhamed Osimi • Humboldt-Universitato en Berlino |
| Okupo | |
| Okupo | verkisto • esperantisto |
| Esperanto | |
| Verkis en Esperanto |
|
| Esperantistiĝis en | 1988 |
VivoRedakti
Post diplomitiĝo ĉe Taĝika Ŝtata Politeknika Instituto en 1986 ŝi laboris en diversaj entreprenoj kiel inĝeniero-aŭtomobilisto. En 1988 ŝi lernis Esperanton. Ŝi multe vojaĝis al Esperanto-tendaroj, renkontiĝoj, kongresoj. De 1993 ŝi loĝis en Berlino, kie ŝi ekde 1997 studis interalie la germanan lingvistikon en la Humboldt-Universitato, en Germanio ŝi edziniĝis al germana esperantisto.
Literatura verkadoRedakti
Karpunina aperigis du librojn en Esperanto: la rakontaron "La Bato" en 2001 kaj la rakontaron "Neokazinta Amo" en 2007. Ambaŭ aperis en la Serio Stafeto. Multaj el ŝiaj rakontoj estis premiitaj en Belartaj Konkursoj de UEA kaj publikigitaj en diversaj Esperanto-revuoj. Ŝi kunlaboris kun la Esperanto-revuoj Monato, "REGO" kaj kelkaj aliaj. Ŝi estis membro de EVA kaj kontribuis al BA1 kaj BA3.
Literaturaj premiojRedakti
| jaro | kategorio | premio | verko |
| 1997 | Prozo | 3-a premio | Jaŝa |
| 1998 | Prozo | Honora Mencio | Miŝka Voropajev |
| 1998 | Prozo | Honora Mencio | Bela |
| 1999 | Prozo | 3-a premio | La ridinda letero |
| 2001 | Prozo | 2-a premio | La pluvo en Ĉenstoĥovo |
| 2001 | Prozo | 3-a premio | La demando de emancipiĝo |
| 2001 | Prozo | Honora Mencio | Mirt |
| 2002 | Prozo | 2-a premio | Pro savo de homo |
ReferencojRedakti
- ↑ 1,0 1,1 Artikolo pri ŝia forpaso en "Libera folio"
- ↑ Oficiala Informo de la Akademio n-ro 23 de 2013-11-06.
Rete konsulteblaj verkojRedakti
- En granda urbo (Novelo aperinta en Monato)
- La amnestipeto (Novelo premiita en Belartaj Konkursoj de UEA 2012)
Eksteraj ligilojRedakti
- Nekrologo en La balta ondo
- Akireblaj verkoj de Lena Karpunina Arkivigite je 2013-11-05 per la retarkivo Wayback Machine