Leonard Bernstein

Leonard BERNSTEIN (naskiĝis la 25-an de aŭgusto 1918 en Lawrence, Massachusetts – mortis la 14-an de oktobro 1990 en New York City) estis usona komponisto, dirigento, pianisto kaj populariganto de muziko. Aŭtoro de sukcesaj muzikaloj (West Side Story 1957, filmigita en 1961, Candide, On the Town), operoj (Trouble in Tahiti, A Quiet Place), baletoj (Dybbuk), simfonioj (Jeremiah, The Age of Anxiety), kantoj, scena kaj filma muziko.

Leonard Bernstein
Persona informo
Naskonomo	Louis Bernstein
Naskiĝo	25-an de aŭgusto 1918 (1918-08-25) en Lawrence, Masaĉuseco,  Usono
Morto	14-an de oktobro 1990 (1990-10-14) (72-jaraĝa) en Novjorko, Nov-Jorkio,  Usono
Mortokialo	pneŭmonito
Tombo	Green-Wood Cemetery
Lingvoj	angla
Ŝtataneco	Usono
Alma mater	Universitato Harvard • Curtis Institute of Music • Eliot House
Subskribo
Memorigilo
Familio
Patro	Samuel Joseph Bernstein
Patrino	Jennie Resnick
Edz(in)o	Felicia Montealegre
Infanoj	Jamie Bernstein • Alexander Bernstein
Okupo
Okupo	dirigento • pianisto • komponisto • muzikologo • filmkomponisto
Verkoj	Symphony No. 1 Symphony No. 2 Kaddish West Side Story Candide
TTT
Retejo	https://www.leonardbernstein.com

Leonard Bernstein en 1971

Infano de polaj - judaj enmigrintoj el Ukrainio, studis muzikon en Harvard kaj en Filadelfio. En 1958-1969 li agis kiel dirigento de la Novjorka filharmonio kaj gastis en la plej elstaraj operscenejoj de la tuta mondo.

Leonard Bernstein en 1945

En sia verkaro ofte kunligis elementojn de ĵaza kaj populara muziko kun tradiciaj muzikaj formoj (ekz. en scena Meso). Li uzis specifan ritmon (oftajn sinkopojn, ŝanĝiĝantajn ritmojn, nesimetrian akcentigon) kaj kolorplenan instrumentkonsiston. Li konsiderinde meritas pri altigo de arta nivelo de populara muziko kaj muzikaloj. Li famiĝis ankaŭ kiel populariganto de muziko (precipe en televido kaj radio) kaj aŭtoro de libroj pri muziko, per kiuj li kapablis veki ĉe multaj homoj intereson pri klasika muzika ĝenro. Estas interese, ke multaj el liaj kantkomponaĵoj estas plurlingvaj, ofte miksiĝas la angla, la hebrea kaj aliaj lingvoj inkluzive la latinan.

Bibliografio de Bernstein

• Findings (Trovitaĵoj) – Simon and Schuster, New York, 1982; Anchor Books, New York, 1993 – ISBN 0-385-42437-X.
• The Infinite Variety of Music (La senfinaj transformoj de muziko) – Simon and Schuster, New York, 1966; Anchor Books, New York, 1993 – ISBN 0-385-42438-8.
• The Joy of Music (La ĝojo pro muziko) – Pompton Plains, New Jersey, 1959; Amadeus Press edition, 2004 – ISBN 1-57467-104-9.
• Leonard Bernstein's Young People's Concerts (Koncertoj de Bernstein por junuloj), eld. Gottlieb – Anchor Books, New York, 1962 a 1992 – ISBN 0-385-42435-3
• The Unanswered Question (La nerespondita demando) – Harvard University Press, Cambridge, Mass, 1976 – ISBN 0-674-92000-7

Bibliografio pri Bernstein

• Humprey Burton: Leonard Bernstein. Doubleday 1994, ISBN 0-385-42345-4 kaj ISBN 0-385-42352-7 angle
• Peter Gradenwitz: Leonard Bernstein: 1918–1990; unendliche Vielfalt eines Musikers. Atlantis, Zürich 1995, ISBN 3-254-00174-5 germane
• Joan Peyser: Leonard Bernstein: die Biographie eines Musikgenies. Heyne, München 1991, ISBN 3-453-04626-9 germane

Videografio

• The Unanswered Question: Six Talks at Harvard. West Long Branch, NJ: Kultur Video. VHS ISBN 1-56127-570-0. DVD ISBN 0-7697-1570-2.
• Leonard Bernstein's Young People's Concerts with the New York Philharmonic. West Long Branch, NJ: Kultur Video. DVD ISBN 0-7697-1503-6.

Vidu ankaŭ

• 4476 Bernstein

Eksteraj ligiloj

• leonardbernstein.com Oficiala retpaĝo
• Leonard Bernstein Bibliografio sur retpaĝo de la Kongresa Biblioteko en Vaŝingtono
• [1] Arkivigite je 2008-07-19 per la retarkivo Wayback Machine Diskografio sur la retpaĝo de Sony Music

Videodosieroj

• Uverturo al opero Candide
• La lasta verko Dance Suite
• Bernstein kiel dirigento de la 9-a simfonio de Beethoven
• Bernstein kiel dirigento de la finalo de la 9-a simfonio de Mahler
• Bernstein instruanta en Harvard
• West Side Story - kanto Maria