Leonard McCoy
D-ro Leonard Horatio McCoy estas rolulo el la fikcia universo de la sciencfikciaj filmoj Star Trek. En la origina televida serio de la 1960-aj jaroj li estis gvida kuracisto de la stelŝipo Enterprise (NCC-1701 kaj NCC-1701-A). Lian rolon en la serio de la 1960-aj jaroj ludas la aktoro DeForest Kelley. La membriĝon de d-ro McCoy en la stelŝiparo de la Unuiĝinta Federacio de Planedoj kaj la vojon al konstanta membreco en la teamo de la stelŝipo priskribas la kineja filmo Star Trek de 2009, kie la rolon de la juna Leonard McCoy transprenas la aktoro Karl Urban. Kiam la kuracisto pensiiĝas el la servo de la stelŝiparo, li havas la rangon de admiralo.
| Leonard McCoy | |
|---|---|
| |
| homo en Star Trek • literatura rolulo • fikciulo en televida serio • fikcia homo | |
| Kreita de | Gene Roddenberry |
| Verko | Stela Vojaĝo: La Origina Serio Deep Domain Rules Of Engagement Assignment: Eternity From The Depths Bloodthirst Double, Double The Three-Minute Universe Twilight's End The Fire and the Rose Treaty's Law Spectre The Pandora Principle The Fate Of The Phoenix Immortal Coil Memory Prime The Great Starship Race The Survivor The Cry Of The Onlies The Fearful Summons First Strike Mudd in Your Eye Ghost Walker Home is the Hunter The Rift Death Count Devil World Once Upon a Planet Battlestations! Enemy Unseen Charlie's Law The Ashes Of Eden The Badlands, Book One Doctor's Orders Preserver Ice Trap The Disinherited Prime Directive Vulcan! Federation Shell Game The Joy Machine Provenance of Shadows Renegade The Return The Starship Trap The Rings Of Tautee The Romulan Way Probe The Patrian Transgression The IDIC Epidemic Timetrap Crossover Enterprise: The First Adventure Final Frontier The Slaver Weapon Dark Victory Traitor Winds Bem A Flag Full of Stars A Singular Destiny Firestorm Strangers from the Sky Surprise! The Time Trap Trek to Madworld Faces of Fire Planet Of Judgment Before Dishonor The Eye of the Beholder The Counter-Clock Incident First Frontier The Kobayashi Maru Crossroad The Better Man Dreams of the Raven Encounter at Farpoint Albatross Trials and Tribble-Ations The Final Nexus Mission to Horatius Perry's Planet Death's Angel Red Sector Recovery Sarek Shadows On The Sun Legacy Spock, Messiah! Spock Must Die! In Tempest's Wake Star Trek: The Motion Picture Generations The Wrath of Khan The Undiscovered Country Captain's Glory Captain's Blood Beyond the Farthest Star Windows on a Lost World The Ambergris Element How Much For Just The Planet? The Starless World World Without End The Price Of The Phoenix Time for Yesterday Sanctuary The Galactic Whirlpool For the World Is Hollow and I Have Touched the Sky The Tholian Web The Empath Is There in Truth No Beauty? Day of the Dove Plato's Stepchildren Wink of an Eye That Which Survives A Taste of Armageddon The Galileo Seven The Naked Time Amok Time The Paradise Syndrome The Corbomite Maneuver Pilgrim of Eternity The Man Trap The Enemy Within More Tribbles, More Troubles Lolani Mudd's Women Operation: Annihilate! Who Mourns for Adonais? The Counter-Clock Incident The City on the Edge of Forever The Autobiography of Jean-Luc Picard Star Trek: Starship Creator Assimilation², Issue 3 Star Trek Trexels Federation – The First 150 Years The Rise and Fall of Khan Noonien Singh, Volume 1 The Star Trek Book Denial of Destiny Star Trek: The Original Series Core Game Book Who's Who in Star Trek, Issue 2 |
| Informoj | |
| Sekso | vira |
| Naskiĝis | 2227 |
| Edukejo | Starfleet Academy |
| Okupo | kosmoŝipa kuracisto |
Leonard McCoy naskiĝis en 2227. Inter la jaroj 2245 kaj 2249 li studis en la universitato de Misisipo, poste ĝis la jaro 2253 plustudis medicinon. Dum la jaro 2266 li komencas sian deĵoron kiel gvida kuracisto en la rango de leŭtenanta komandanto (vic-kolonelo) en la stelŝipo Enterprise. Kapitano de la ŝipo estas James Tiberius Kirk, bona amiko de Leonard.
D-ro McCoy estis unu el la ĉefaj roluloj de la origina televida serio Star Trek pri la esploraj kosmaj vojaĝoj de la stelŝipo, kaj ofte havis kontraŭan opinion al la logike kaj senemocie analizema duonvulkanano Spock.
McCoy estas decida kontraŭanto de la moderna teknologio de sia jarcento, kaj aparte skeptikas pri la teletransportado kaj kosmotransportado ofte aplikata sur la veturiloj de la stelŝiparo por transporti homojn inter pluraj stelŝipoj aŭ de orbite cirkulantaj stelŝipoj al planedoj kaj inverse. Malgraŭ tiu kontraŭteknologiemo li en la 4-a kineja filmo de la serio estas forte ŝokata, kiam li konsciiĝas pri la medicinaj teknikoj de la 20-a jarcento ("Tio estas plej malluma mezepoko!").
La kuracisto estas la aŭtoro de poste norma lernolibro "Kompara fiziologio de eksterteraj specioj de Leonard McCoy" (ekzemple angle Leonard McCoy's Comparative Alien Physiology aŭ germane Leonard McCoys vergleichende Physiologie außerirdischer Spezies), kiu en 2374 estas radie sendata al la stelŝipo Voyager, por refunkciigi la medicinan-holografian kriz-okazan programon.
Post la pensiiĝo, li ankoraŭ aperas en la unua epizodo de la serio Star Trek: La sekva jarcento: La 137-jara admiralo McCoy vizitas la medicinan stacion de la stelŝipo Enterprise-D kaj poste havas interparolon kun la leŭtenanta komandanto Data, kiu per transportileto kondukas lin al sia stelŝipo. Ankaŭ en la romanoj verkitaj de William Shatner, la origina aktoro de la rolo de kapitano James T. Kirk, la intertempe pli ol 150-jara McCoy havas gravan rolon. En la romanoj, ludantaj post la eventoj de la serio Star Trek: La sekva generacio, li estas pasaĝero kaj ŝipa kuracisto en la privata stelŝipo Belle Rêve de James T. Kirk.
En la originala anglalingva versio de la filmaro, d-ro McCoy havas la kromnomon "Bones" ("ostoj"), probable aludo al la tradicia, neformala anglalingva vorto "sawbones" ("ostosegisto") por kuracisto. En la germanlingva sinkronizo tamen li ricevas la kromnomon "Pille" ("pilolo"). Aparte la stelŝipa kapitano, kiel menciite bona amiko de McCoy, emas nomi lin neformalisme per tiuj kromnomoj.