Malfermi la ĉefan menuon

Christian Leopold von BUCH [LEopold fon buĥ] (naskiĝis la 25-an de aprilo 1774, mortis la 4-an de marto, 1853) estis germana geologo kaj paleontologo.

Leopold von Buch
Leopold von Buch, Carl Josef Begas, C Fischer (1850).jpg
Persona informo
Naskiĝo 26-an de aprilo 1774 (1774-04-26)
en Stolpe
Morto 4-an de marto 1853 (1853-03-04) (78-jara)
en Berlino
Lingvoj germana lingvo
Ŝtataneco Rejna FederacioGermana Federacio
Alma mater Universitato de GöttingenUniversitato Marteno Lutero de Wittenberg-Halle
Profesio
Profesio entomologo • geologo • paleontologo • volcanologist
Information icon.svg
vdr

Naskiĝinte en la Kastele Stolpe apud Angermünde, la filo de prusa ministro kaj grandbienulo ĝuis profundan kaj ampleksan instruon dum sia junaĝo. En la jaro 1790 li ekstudis geologion kaj mineralogion en Freiberg, kie li amikiĝis i.a. kun Alexander von Humboldt kaj eldonis unuajn sciencajn publikaĵojn. Ekde 1793 li profundigis siajn natursciencajn sciojn en Halle (Saale) kaj Göttingen kaj ekde 1796 li vivis ĉefe en Berlino.

Pro sia familia fono finance sendependa, Leopold von Buch nur dum mallonga tempo laboris kiel dungito. Grandan parton de sia vivo li pasigis esplorvojaĝante, i.a. tra Silezio, Francio, Italio, Skandinavio, Irlando kaj la Kanariaj Insuloj. La rezultojn de siaj esploroj li disvastigis en aro da sciencaj publikaĵoj kaj geologiaj mapoj. Ekde 1826 li ĉefe okupiĝis pri paleontologiaj temoj, kreante ekz. la nocion gvidfosilio.

Dum sia tempo en Freiberg ankoraŭ konvinkita pri la neptunisma teorio de Abraham Gottlob Werner, liaj observoj igis lin fariĝi adepto de la plutonismo de James Hutton kaj la katastrofismo reprezentata de Georges De Cuvier.

Leopold von Buch mortis en Berlino.

Eksteraj ligilojRedakti