Les Républicains
politika partio en Francio
Les Républicains (LR) (esperante La Respublikanoj) estas franca gaŭlisma kaj liberal-konservativa politika partio, vicigita dekstre kaj centrodekstre de la politika spektro. Rezultante en 2015 el la ŝanĝo de nomo kaj statutoj de Union pour un mouvement populaire (UMP), fondita en 2002, ĝi estas daŭrigo de la ĉefaj francaj konservativaj partioj: UNR, UDR, RPR kaj UMP.
| Les Républicains | |
|---|---|
| |
| partio | |
| Lando |  Francio
|
| Prezidanto | Christian Jacob |
| Fondiĝo | 30-a de majo 2015 |
| Ĉefa sidejo | Parizo |
| Koloro(j) | blua, blanka, ruĝa |
| Ideologio | Gaŭlismo, Konservativismo, liberal-konservativismo, Kristana demokratio |
| Internacia aliĝo | Centrodemokratia Internacio, Internacia Demokratia Unio |
| Junulara organizaĵo | Les Jeunes Républicains |
| Retejo | https://republicains.fr/ |
Ĝi estis la ĉefa opozicia partio dum la prezidanteco de François Hollande (PS), antaŭ ol sperti gravan malsukceson kun la elimino de François Fillon en la unua raŭndo de la prezidanta baloto de 2017 en Francio. La partio restas la unua parlamenta opozicia forto al la registaro, ĉi-foje kontraŭ Emmanuel Macron (LREM).