Lidl
La firmao Lidl aŭ pli precize Lidl Stiftung GmbH & Co. KG estas en 2004 la 5-a plej granda nutraĵ-komerca entreprena konzerno en Germanio sub la ombrelo de la entreprena grupo Schwarz kun sidejo en Neckarsulm.
| Lidl | |||||
|---|---|---|---|---|---|
| |||||
.JPG)
| |||||
| supermarket chain • negoco • supermerkato vd | |||||
| Dum | 1973 - nekonata/nuntempe | ||||
| Jura formo | Stiftung & Co. KG | ||||
| Fondintoj | Dieter Schwarz vd | ||||
| Sidejo | Neckarsulm | ||||
| Lando | Germanio | ||||
| Dungitoj | 178 741 (stato: 2019) | ||||
| Posedata de | SB Lidl • PVG Geschäftsführungs-KG • SB Lidl vd | ||||
| filiaj kompanioj | Lidl Česká republika • Lidl Finland • Lidl France • Lidl Holding • Lidl Österreich • Lidl Magyarország • Lidl Bulgaria • Lidl Serbia • Lidl Romania • Lidl Sverige • Lidl Schweiz vd | ||||
| Posedataj kompanioj | Lidl Holding • Freeway Cola vd | ||||
| |||||
| TTT | Oficiala retejo | ||||
Ĝenerale
La konzerno posedas ĉ. 2450 magazenojn (superbazarojn) en Germanio. La tuta vendosumo de la grupo estis en 2004 - laŭ propraj indikoj - super 36 miliardoj da Eŭroj; la nombro de la laboristoj estis ĉ. 75.000.
Lidl estas parto de la imperio de Dieter Schwarz (n. la 24-an de septembro 1939). Post lia retiriĝo el la firmogvidado, li transdonis sian posedaĵon - impost-ŝpare - al la fondaĵo Dieter-Schwarz Klr, kies celo estas inter aliaj la apogo de scienco kaj esploro, arto kaj kulturo.
Historio
Lidl fondiĝis en la 1930-aj jaroj kiel Lidl & Schwarz, nutraĵ-sortimenta grandkomercejo. En la 1970-aj jaroj malfermiĝis la unuaj filioj ĉe Ludwigshafen. En Aŭstrio aperis la unuaj filioj en 1998, en Hungario en 2004. En 2023 la filioj ĉeestas en preskaŭ ĉiu lando de Eŭropo.
La plej norda vendejo de Lidl estas en Sodankylä, Finnlando.
Kritiko
Lidl simile al Aldi eldonas malmultajn informojn pri la propraj aferoj. En la komerca branĉo ĝi estas rigardata kiel precipe agresema. Danke al sia merkata potenco ĝi sukcesis daŭre subenpremi la alliverajn prezojn. Ankaŭ la rolo de la sindikatoj estas tre diskutata. La sindikato akuzas la firmaon pri obstaklado de fondiĝo de entreprenkonsilioj.
En 2004 la kompanio ricevis la Big Brother Award 2004 en la kategorio labormondo pri "preskaŭ sklavtena konduto al la laboristoj".
Multaj varoj vendataj de Lidl portas surskribojn precipe anglalingvajn, ankaŭ en ne-anglalingvaj landoj; priskribo en loka lingvo foje mankas aŭ estas malfacile trovebla.
Nigra libro
La sindikato de la serva sektoro ver.di eldonis la 10-an de decembro 2004 (la tagon de la homrajtoj) la libron "Nigra libro pri Lidl"[1], kiu dokumentas la malhomigan konduton al la gelaboristoj.
Vidu ankaŭ
Eksteraj ligiloj
- Lidl Dienstleistung GmbH & Co. KG
- Kaufland (parto de Lidl-grupo)
- Big Brother Award 2004 al la konzerno Lidl
- entreprenaj informoj pri la konzerno de la sindikato ver.di, arkivigite en decembro 2004 (germane)
- artikolo "laborantoj de Lidl luktas por siaj juroj" en la retejo union-network.org, arkivigite en decembro 2004 (angle)
Referencoj
- ↑ Nigra libro pri Lidl (jen arkivigite en decembro 2004, germane) ISBN 3-932349-12-1, Aŭtoroj: Gudrun Giese, Andreas Hamann)