Lorenz Friis
Lorenz FRIIS (naskiĝis la 23-an de januaro 1904 en Sønderborg, mortis la 11-an de marto 1985 en Arhuzo) estis dana esperantisto kaj instruisto, ekde 1981 Honora Membro de UEA.
| Lorenz Friis | |
|---|---|
| Persona informo | |
| Naskiĝo | 23-an de januaro 1904 |
| Morto | 11-an de marto 1985 (81-jaraĝa) |
| Lingvoj | Esperanto |
| Ŝtataneco | Reĝlando Danio 
|
| Familio | |
| Edz(in)o | Cornelia Friis
|
| Okupo | |
| Okupo | esperantisto
|
Li propagandis kaj gvidis kursojn en Broager en suda Danio kaj la antaŭurbo Aabyhøj, nuntempe antaŭurbo de Arhuzo en meza Danio. En Aabyhøj li ankaŭ fondis Esperanto-klubon. Li estis prezidanto de la ekzamena komitato por Jutlando, redaktoro de la lingva paĝo de Dana Esperanta Gazeto kaj direktoro de Isosek por Danio. Li verkis du Esperantajn lernolibrojn. En 1930 li edziĝis kun la nederlanda esperantistino Cornelia Lignian,[1] kiu post sia edziniĝo administris Danan Esperanto Eldonejon (Dansk Esperanto-Forlag). Li estis unu el la ĉefkunlaborantoj de la Enciklopedio de Esperanto.[2]
En 1938 aperis lia Store Esperanto-Dansk Ordbog (Granda Esperanto-Dana Vortaro), verkita kun Peter Frey en Aabyhøj ĉe Dansk Esperanto-Forlag (268, [2] p., 20x14 cm). Ĝi estis represita en dua eldono 1953 kaj tria eldono 1969 kaj restis la plej multe uzita siaspeca ĝis apero de la moderna de Eckhard Bick en 1990.
En aprilo 1937 aperis jena anonco en la gazeto La Juna Vivo:
Fontoj
redakti- ↑ listo de kapvorto "geedziĝoj esperantistaj" el la Enciklopedio de Esperanto de 1934 (esperante)
- ↑ artikolo de kapvorto "Friis" el la Enciklopedio de Esperanto de 1934 (esperante)
- ↑ La Juna Vivo, aprilo 1939 Arkivigite je 2007-09-27 per la retarkivo Wayback Machine, paĝo 21.
Eksteraj ligiloj
redakti- Libroj[rompita ligilo] de kaj pri Lorenz Friis en la Kolekto por Planlingvoj kaj Esperantomuzeo Arkivigite je 2007-12-21 per la retarkivo Wayback Machine
- Lorenz Friis en la Panteono de edukado.net
