Lot

Por samtitola artikolo vidu la paĝon LOT.

Lot [lɔt] (aŭ okcitane Òlt [olt]) estas unu el la departementoj de la franca regiono Okcitanio. Ĝia prefektejo estas Cahors. Lot etendiĝas sur 5 217 km² kaj ĝi havas 173 758 loĝantojn.

Lot
departemento de Francio
Administrado
Lando	Francio
Regiono	Okcitanio
Numero	46
Prefektejo	Cahors/Caors
Subprefektejoj	Figeac/Fijac Gourdon/Gordon
Prezidanto de la departementa konsilio	Serge Rigal
Prefekto	Catherine Ferrier
Statistikaĵoj
Loĝantaro	175 620 (2022)
Areo	5 217 km²
Loĝdenso	34 /km²
Subdividoj
Arondismentoj	3
Kantonoj	17
Komunumaroj	13
Komunumoj	326

La departemento enhavas 326 komunumojn.

Geografio

Lot havas limojn kun la departementoj Corrèze, Cantal, Aveyron, Tarn-et-Garonne, Lot-et-Garonne kaj Dordogne.

Arondismentoj

La departemento dividiĝas al tri arondismentoj:

• arondismento Cahors
• arondismento Figeac
• arondismento Gourdon

Ekonomio

Kalkŝtonaj ebenaĵoj kovras la plej grandan parton de ĝia teritorio. Ili nomiĝas causses [kos]: Causse de Martel, Causse de Gramat, Causse de Limogne formas kune vastan sekegan surfacon kie troviĝas nur kelkaj paŝtejoj kaj maldensaj arbaroj. Agrikulturo disvolviĝas en la valoj.

Turismo kaj kulturo

Rocamadour

Lot posedas kelkajn el la plej elstaraj vidindaĵoj de Francio: Rocamadour, unu el la plej gravaj pilgrimlokoj dum la mezepoko ankoraŭ havas arkitekturan ensemblon eksterordinaran (preĝejoj, kapeloj, kastelo, mezepokaj domoj), la abismo de Padirac, Saint-Cirq-Lapopie klasigita inter la “plej belaj vilaĝoj de Francio” (Les plus beaux villages de France), kaj multaj mezepokaj fortresoj kaj vilaĝoj.

• Aliaj urboj: Figeac, Gourdon (subĉefurboj, france sous-préfectures), Aynac, Bretenoux, Cajarc, Saint-Céré.
• Aliaj vilaĝoj inter la “plej belaj vilaĝoj de Francio”: Autoire, Cardaillac, Carennac, Lacapelle-Marival, Loubressac, Saint-Cirq-Lapopie

Vidu ankaŭ

• Komunumoj de Lot

Eksteraj ligiloj

• Prefektejo de Lot Arkivigite je 2009-07-18 per la retarkivo Wayback Machine
• Departementa konsilio de Lot
• Turismo en Lot