Magneta permeablo

Magneta permeablo aŭ relativa permeabl(ec)o estas koeficiento μ (ankaŭ simbolata μ_r) en leĝo de magneta interago kaj ekvacioj de Maxwell.

Komparo de absolutaj permeabloj inter: feromagnetoj (μ_f), paramagnetoj (μ_p), diamagnetoj (μ_d) kaj vakuo (μ₀).

Ĉi tiu koeficiento montras kiel medio pligrandigas magnetan kampintenson, kaj estas pura nombro sen unuo.

Ne konfuzu la relativan permeablon kun la absoluta permeablo, μ.μ₀, kiu estas la kvociento inter la magneta fluksdenso B kaj la magneta kampointenso H, kaj kies la unuo estas sama ol la unuo de la magneta konstanto μ₀, t.e. N/A².

Laŭ siaj magnetaj permeabloj, substancoj estas klasifikitaj jene:

• Diamagnetaj substancoj - havas magnetan permeablecon iomete malpli grandan ol 1 (e.g. Ag, Bi, Ge kaj Si) , tial oni skribas

μ_r = 1 + $\chi$, kie $\chi$, nomita magneta impresemeco, aŭ laŭ la ĵargono de fakuloj susceptebleco., estas koeficiento malgranda kaj negativa;

• Paramagnetaj substancoj - havas magnetan permeablon iomete pli grandan ol 1 (e.g. Al, Nd kaj U), tial oni skribas

μ_r = 1 + $\chi$, kie $\chi$ estas koeficiento malgranda kaj pozitiva;

• Feromagnetaj substancoj - plejparte metaloj Fe, Co, Ni, Gd, Nb, Dy, Ho, Er kaj iliaj alojoj - havas magnetan permeablon multe pli grandan ol 1 (ofte ĉirkaŭ 1000);
• Antiferomagnetaj substancoj - aparta orientiĝo de magnetaj momantoj (kies sumo nuliĝas) en molekuloj, fenomeno kiu malaperas preter aparta temperaturo, al kiu la substanco iĝas paramagneta.

Relativa permeablo kaj tipo de kelkaj materiloj

Materialo	µr	Tipo
Superkonduktanto (tipo 1)	0	ideala diamagneta
Bismuto	1 − 1,66 · 10−4	diamagneta
Akvo	1 − 9,1 · 10−6
Kupro	1 − 6,4 · 10−6
Hidrogeno	1 − 2,06 · 10−9
Vakuo	1 (pro difino)
Aero	1 + 4 · 10−7	paramagneta
Aluminio	1 + 2,2 · 10−5
Platino	1 + 2,57 · 10−4
Likva oksigeno	1 + 3,6 · 10−4
Rustorezista ŝtalo (aŭstenita)	1 + 0,003…0,05
Ferofluaĵo	00.003…000.010	superparamagneta
Ferito	00.004…015.000	ferimagneta
Kobalto	00.080…000.200	feromagneta *)
Nikelo	00.200…01 000
Fero	00.300…010 000
Mu-metalo (NiFe)	50.000…140.000
*) Valoroj dependaj de preciza kunmetaĵo/pureco, magnetkampa forto, frekvenco kaj posttraktado (mekaniĥa pretigo, varmotraktado)