Malpezmetaloj

Malpezmetaloj en la kemia tabelo

H																	He
Li	Be											B	C	N	O	F	Ne
Na	Mg											Al	Si	P	S	Cl	Ar
K	Ca	Sc	Ti	V	Cr	Mn	Fe	Co	Ni	Cu	Zn	Ga	Ge	As	Se	Br	Kr
Rb	Sr	Y	Zr	Nb	Mo	Tc	Ru	Rh	Pd	Ag	Cd	In	Sn	Sb	Te	I	Xe
Cs	Ba	*	Hf	Ta	W	Re	Os	Ir	Pt	Au	Hg	Tl	Pb	Bi	Po	At	Rn
Fr	Ra	**	Rf	Db	Sg	Bh	Hs	Mt	Ds	Rg
		*	La	Ce	Pr	Nd	Pm	Sm	Eu	Gd	Tb	Dy	Ho	Er	Tm	Yb	Lu
		**	Ac	Th	Pa	U	Np	Pu	Am	Cm	Bk	Cf	Es	Fm	Md	No	Lr

Malpezmetaloj aŭ malpezaj metaloj estas tiuj metaloj aŭ alojoj, kies denso estas malpli ol 5 g/cm³. Ĉiuj aliaj metaloj estas pezmetaloj.

Malpezmetaloj estas vaste uzataj en konstruado, aparte de veturiloj, medicinaj protezoj kaj multaj aliaj produktoj. Teknike gravas aparte aluminio, magnezio, titanio kaj - malpli vaste aplikataj - berilio kaj litio kaj pliaj elementoj kiel malaltkoncentritaj komponaĵoj de alojoj. La prilaboro de malpezmetaloj esence egalas al tiu de metaloj ĝenerale.

Listo de malpezmetaloj

Kompleta listo de elementaj malpezaj metaloj kaj ilia denso je 20 °C:

Alkalaj metaloj:

• Litio: 0,53 g/cm³
• Natrio : 0,97 g/cm³
• Kalio: 0,86 g/cm³
• Rubidio: 1,53 g/cm³
• Cezio: 1,90 g/cm³
• Franciumo: 1,87 g/cm³

Teralkalaj metaloj:

• Berilio: 1,85 g/cm³
• Magnezio: 1,74 g/cm³
• Kalcio : 1,54 g/cm³
• Stroncio : 2,63 g/cm³
• Bario : 3,65 g/cm³

Transirmetaloj:

• Skandio: 2,99 g/cm³
• Itrio: 4,47 g/cm³
• Titanio 4,51 g/cm³

Elemento de la Boro-grupo

• Aluminio: 2,70 g/cm³

Brulo de malpezmetaloj

Se malpezmetaloj estas iel trafitaj de brulo, nepre NE uzu akvon por estingi la fajron !

Malpezaj metaloj, aparte la alkalaj kaj teralkalaj, reagemas kun H₂O tre fervore, dum la reago la metaloj kombiniĝas kun oksigeno kaj liveras liberan hidrogenan gason, kiu siaflanke eksplodante reagas kun aera oksigeno.

Por estingi la brulon, oni uzu estingan pulvoron (natria karbonato), sekan cementon, sekan sablon aŭ noblajn gasojn.

Vidu ankaŭ

• pezmetaloj