Manche
Manche [mã̃ʃ] (Maniko en la PIV) estas franca departemento de la regiono Normandio. Ĝia prefekta urbo estas Saint-Lô. Tie troviĝas Monto Sankta Mikaelo.
| Manche | |
|---|---|
| |
| |
| Administrado | |
| Lando |  Francio
|
| Regiono | Normandio |
| Numero | 50 |
| Prefektejo | Saint-Lô |
| Subprefektejoj | Avranches Cherbourg-en-Cotentin Coutances |
| Prezidanto de la departementa konsilio |
Philippe Bas |
| Prefekto | Jacques Witkowski |
| Statistikaĵoj | |
| Loĝantaro | 499 919 (2013) |
| Loĝdenso | 84,2 loĝ./km2 |
| Areo | 5 938 km2 |
| Subdividoj | |
| Arondismentoj | 4 |
| Kantonoj | 27 |
| Komunumaroj | 26 |
| Komunumoj | 516 |
La departemento enhavas 602 komunumojn.
GeografioRedakti
Manche estas parto de la regiono Normandio. Ĝi estas lima de la departementoj Calvados nordoriente, Orne oriente, Mayenne sudoriente kaj Ille-et-Vilaine sudokcidente. La norda parto nomiĝas Cotentin. Ĉirkaŭ la departemento, okcidente, norde kaj nordoriente, estas la maro La Manche (pli konata per la nomo Manika Markolo) je bordolongo de 350 km.
Rilate al geologio la departemento apartenas al la Armorika Montaro.
HistorioRedakti
La departemento estis kreita dum la Franca Revolucio, je la 4-a de marto 1790, per apliko de la leĝo de la 22a de decembro 1789, el parto de la provinco de Normandio. Ĝia ĉefurbo estis komence Coutances, sed estas Saint-Lô ekde 1796. Post la dua mondmilito, Coutances fariĝis la centro de la departemento (prefektejo), ĉar Saint-Lô estis preskaŭ komplete detruita. Sed tio ŝanĝiĝis, kiam Saint-Lô estis rekonstruita.
Vidu ankaŭRedakti
Eksteraj ligilojRedakti
- Prefektejo
- Departementa Konsilio Arkivigite je 2004-11-23 per la retarkivo Wayback Machine
- Splaf
- WikiManche