Marc van Oostendorp
Marc van OOSTENDORP (naskiĝis la 15-an de decembro 1967) estas nederlanda lingvisto kaj esperantisto. Li laboris por la pri-nederlandkultura Meertens Instituut kiel esploristo. De 2007 ĝis 2017 li laboris en la Universitato de Leiden, pri fonologia mikrovariado. Ekde 2017 li laboras en Radboud-Universitato Nijmegen.
| Marc van Oostendorp | |
|---|---|
| |
| Persona informo | |
| Naskiĝo | 15-an de decembro 1967 (55-jara) |
| Lingvoj | Esperanto • nederlanda |
| Ŝtataneco | Reĝlando de Nederlando |
| Okupo | |
| Okupo | esperantisto • universitata instruisto • esperantologo |
| TTT | |
| Retejo | http://www.vanoostendorp.nl/ |
En Flandrio kaj Nederlando van Oostendorp estas konata kiel kunlaboranto de la asocio pri la nederlanda lingvo Onze Taal ("Nia Lingvo"). Li ankaŭ estas kunlaboranto de Neerlandistiek, reta informilo por nederlandistoj, kaj kunlaboras kun Taalpost, retmesaĝo-servo (aperanta trifoje semajne) pri lingvo ĝenerale kaj la nederlanda specife. Tion li faras kune kun la flandra ĵurnalisto Ludo Permentier.
Li instruis de septembro 1997 ĝis januaro 2001 interlingvistikon kaj Esperanton en la universitato de Amsterdamo kaj per tio fariĝis profesoro.
La 21-an de majo 2022 li estis elektita kiel prezidanto de la asocio Esperanto Nederland, la landa asocio de UEA, dum ĝia jarkunveno en Lunteren. [1]
BibliografioRedakti
- 2011: The Blackwell Companion to Phonology. Ed. by Marc van Oostendorp [et al.]. 5 vols. Malden, MA, Wiley-Blackwell. ISBN 978-1-4051-8423-6
- 2005: The Internal Organization of Phonological Segments. Ed. by Marc van Oostendorp and Jeroen van de Weijer. Berlin, Mouton De Gruyter. ISBN 3-11-018295-5
- 2004: Een wereldtaal. Geschiedenis van het Esperanto. Amsterdam: Athenaeum, Polak & Van Gennep. ISBN 978-90-253-3682-0 pdf
- 2000: Phonological Projection. A Theory of Feature Content and Prosodic Structure Berlin, Mouton De Gruyter, 396 pages. ISBN 978-3-11-015422-1
Eksteraj ligilojRedakti
- La persona retpaĝaro de Marc van Oostendorp (en la nederlanda kaj la angla)
- La vivresumo de Marc van Oostendorp Arkivigite je 2007-01-07 per la retarkivo Wayback Machine (PDF-dosiero, en la angla)
- Retpaĝaro de la asocio Onze Taal
- (nl) Marc van Oostendorp over de internationale taal Esperanto, intervjuo en la podkasto Wilde Haren, publikigita la 10an de januaro 2019
- (nl) Marc van Oostendorp: Wat is Esperanto en waarom bestaat het?, jutuba filmeto.
- (nl) Neerlandistiek
ReferencojRedakti
- ↑ Libera Folio Van Oostendorp estros Esperanto Nederland la 30-an de majo 2022