THURBO AG
THURBO AG estas fervoja kompanio en orienta Svislando. Ĝi funkciigas regionajn trajnliniojn sur reto kun totala longeco de 590 km. Ĝi estas post la Svisaj Federaciaj Fervojoj unu el la plej grandaj trafikentreprenoj de Svislando. TUHRBO AG transportas ĉiujare proksimume 24 milionojn da pasaĝeroj.
| THURBO AG | ||
|---|---|---|
| ||
| ||
| Trajnunuo de la kompanio THURBO AG | ||
| transporta firmao | ||
| Dum | 20-a de septembro 2001 – | |
| Fondodato | 20-a de septembro 2001 | |
| Sidejo | Kreuzlingen | |
| Lando | Svislando | |
| Retejo | Oficiala retejo | |
| Jura formo | akcia kompanio laŭ svisa juro | |
Historio kaj priskribo de la entreprenoRedakti
La kompanio THURBO AG estas akcisocieto fondita en la jaro 2002, kiu apartenas je 90% al la Svisaj Federaciaj Fervojoj kaj je 10% al Kantono Turgovio. THURBO AG tamen estas jure sendependa entrepreno kaj mem respondecas pri la funkciigado de siaj aktivecoj. La nomo THURBO estas kombino de la nomoj de Turo (germane Thur respektive Turgovio (germane Thurgau) kaj Bodenlago.
La linio de la iama Mezturgovia Fervojo [germane Mittelthurgaubahn (MThB)], kiu bankrotis, nun apartenas al TURBO AG (linio Wil SG–Weinfelden–Kreuzlingen), sed baziĝas sur la infrastrukturo de la Svisaj Federaciaj Fervojoj. THURBO AG sole okupiĝas pri la funkciigado de la lokaj kaj regionaj trajnoj.
LiniretoRedakti
Iama Mezturgovia FervojoRedakti
- Wil – Weinfelden – Kreuzlingen (– Konstanco)
Regiontrajnreto Sankt-GaloRedakti
- S 1 Wil – Sankt-Galo – Heerbrugg – Altstätten
- S 2 Herisau – Sankt-Galo – Heerbrugg
- S 3 Sankt-Galo (Haggen) – Sankt-Galo – Romanshorn – Kreuzlingen – Ŝafhaŭzo
- S 5 Sankt-Galo – Bischofszell – Weinfelden
- S 6 Sankt-Galo – Sankt-Galo (Haggen) – Herisau
- S 7 Rorschach – Romanshorn – Weinfelden
- S 8 Kreuzlingen – Romanshorn – Rorschach
- S 9 Wil – Wattwil
- Buchs – Sargans
Regiontrajnreto ZurikoRedakti
- S 22 Bülach – Ŝafhaŭzo – Singen (Hohentwiel)
- S 26 Vinterturo – Bauma – Rüti (– Rapperswil)
- S 29 Vinterturo – Stein ĉe Rejno
- S 30 Vinterturo – Frauenfeld – Weinfelden (– Romanshorn – Rorschach)
- S 33 Vinterturo – Andelfingen – Ŝafhaŭzo
- S 35 Vinterturo – Wil
- S 41 Vinterturo – Bülach – Bad Zurzach – Waldshut