Miksaj atlantikaj arbaroj

La miksaj atlantikaj arbaroj estas ekoregiono el la eŭropa-siberia ekoprovinco de la palearktisa ekozono, laŭ la tipologio de la Monda Natur-Fonduso (WWF). Ĝi etendiĝas laŭlonge de la okcident-eŭropa marbordo de Atlantika Oceano. La Eŭropa Vivmedia Agentejo subdividis la WWF-ekoregionon en du EVA-unuojn. La limo inter la suda kaj la norda EVA-regiono situas pli-malpli apud la nordo de Belgujo.

Miksaj atlantikaj arbaroj
ekoregiono
ekoregiono laŭ Monda Natur-Fonduso [+]
Areo	380 246 km² (38 024 600 ha) [+]
Miksaj atlantikaj arbaroj (Tero) Situo de la ekoregiono.
Vikimedia Komunejo:  European Atlantic mixed forests [+]

Priskribo

Biome la ekoregiono apartenas al la mezvarmaj foliaj kaj miksaj arbaroj. Ĝi okupas 399 100 kvadratajn kilometrojn, aŭ la okcidentan duonon de la duoninsulo de Jutlando en Danujo, la nordorienton de Germanujo, la preskaŭan tutaĵon de Nederlando, la nordon kaj la okcidenton de Belgujo kaj de Francujo, kaj la britajn Manikinsulojn.

La regiono karakteriziĝas de marbordaj ebenaĵoj; la solaj pli malpli gravaj altaĵoj troviĝas en Bretonujo.

Flaŭro

Arbaro de Hooghalen (Drenthe, Nederlando), dum la aŭtuno.

Estas eble trovi diversajn miksajn kverkarojn en la ekoregiono, superregatajn de roburo (Quercus robur), penda betulo (Betula pendula) kaj eŭropa fago (Fagus sylvatica). Loke, apud la marborda linio, troviĝas dunoj kun halofitoj kaj ulekso (Ulex gallii), kiuj rezistas lokajn cirkonstancojn pri vento kaj saleca mara influo. Plurfoje, pro troekspluatado, erikejoj kun erikacoj ( kaluno, eriko ) kaj ulekso estas anstataŭintaj la naturajn arbarojn. Pli sude, diversaj kverkoj aperas, inkluzive petra kverko (Q. petraea) kaj lanuga kverko (Q. pubescens), sed multaj forstoj estas plantitaj kun arbara pino (Pinus silvestris) kaj pli sude kun pinastro (Pinus pinaster), precipe sur malriĉaj sablaj grundoj.

Faŭno

Fagaro apud Bruselo, Belgujo.

La birda diverseco estas eksterordinare alta. La nura Nederlando nombras pli ol kvarcent kvardek speciojn de birdoj, inkluzive de la endanĝerigitan hortulanon (Emberiza hortulana), marĉanason (Anas querquedula), komunan galinagon (Gallinago gallinago), marbordan pluvion (Charadrius alexandrinus), grenemberizon (Miliaria calandra), kaj makulan porzanon (Porzana porzana). Aliaj notindaj birdospecioj en la ekoregiono estas eŭrazia koltordulo (Jynx torquilla), ruĝdorsa lanio (Lanius collurio), tetro (Lyrurus tetrix), kangrilbirdo (Locustella luscinioides), kaj turda kanbirdo (Acrocephalus arundinaceus) .

Stato de naturprotekto

La ekoregiono estas endanĝerigita. La precipa parto de la origina vegetaĵaro estas malaperinta kaŭze de homa agado.

Vidu ankaŭ

• Ekologia klasifiko de la tersupraĵoj
• Konservada stato de ekoregiono

Palearktisaj mezvarmaj foliaj kaj miksaj arbaroj
PA0401 Apeninaj deciduaj montarbaroj	Italio
PA0402 Miksaj atlantikaj arbaroj	Belgio,  Danio,  Francio,  Germanio,  Nederlando
PA0403 Acoraj moderaj miksaj arbaroj	Acoroj ( Portugalio)
PA0404 Balkanaj miksaj arbaroj	Bulgario,  Grekio,  Nord-Makedonio,  Rumanio,  Serbio ( Kosovo),  Turkio
PA0405 Baltaj miksaj arbaroj	Danio,  Germanio,  Pollando,  Svedio
PA0406 Kantabriaj miksaj arbaroj	Portugalio,  Hispanio
PA0407 Hirkaniaj-kaspiaj miksaj arbaroj	Azerbajĝano,  Irano
PA0408 Kaŭkazaj miksaj arbaroj	Armenio,  Azerbajĝano,  Kartvelio,  Rusio,  Turkio
PA0409 Keltaj foliarbaroj	Irlando,  Britio
PA0410 Centr-anatolaj deciduaj arbaroj	Turkio
PA0412 Mezeŭropaj miksaj arbaroj	Aŭstrio,  Belorusio,  Ĉeĥio,  Germanio,  Litovio,  Moldavio,  Pollando
PA0413 Centra-koreaj deciduaj arbaroj	Nord-Koreio,  Sud-Koreio
PA0416 Krimea submediteranea arbarmasivo	Ukrainio,  Rusio
PA0418 Dinaraj miksaj arbaroj	Albanio,  Bosnio kaj Hercegovino,  Kroatio,  Italio,  Montenegro,  Serbio,  Slovenio
PA0421 Anglaj malaltaĵaj fagaroj	Britio
PA0422 Foliarbaroj apud Nigra Maro kaj de Kolĥido	Bulgario,  Kartvelio,  Turkio
PA0432 Padobasenaj miksaj arbaroj	Italio
PA0433 Pireneaj koniferaj kaj miksaj arbaroj	Andoro,  Francio,  Hispanio
PA0436 Sarmataj miksaj arbaroj	Belorusio,  Estonio,  Norvegio,  Latvio,  Rusio,  Finnlando,  Svedio
PA0439 Sud-koreaj ĉiamverdaj arbaroj	Sud-Koreio
PA0440 Tajhejaj ĉiamverdaj arbaroj	Japanio
PA0441 Tajhejaj montaraj deciduaj arbaroj	Japanio
PA0444 Okcident-siberiaj subborealaj arbaroj	Rusio
PA0445 Okcident-eŭropaj foliarbaroj	Aŭstrio,  Ĉeĥio,  Francio,  Germanio,   Svislando
PA0446 Zagros-montara arbarstepo	Irako,  Irano,  Turkio

Bibliografio

• france Roisin, Paul 1969 : Le domaine phytogéographique atlantique d'Europe, Les Presses Agronomiques de Gembloux, A.S.B.L., Éditions J.Duculot, Gembloux, 262 pp.
• angle Wheatley, N. 2000 : Where to watch birds in Europe and Russia. Princeton University Press, Princeton, New Jersey.

Eksteraj ligiloj

• angle Ekoregiono PA0402 : Miksaj atlantikaj arbaroj ( WWF )
• angle Miksaj atlantikaj arbaroj (WWF-Wildworld)
• angle Miksaj atlantikaj arbaroj (Wildworld) - Nacia Geografia Societo
• angle Miksaj atlantikaj arbaroj (The Encyclopedia of Earth)
• angle Miksaj atlantikaj arbaroj (Globalspecies) Arkivigite je 2014-07-18 per la retarkivo Wayback Machine
• angle Cifereca Mapo de Eŭropaj Ekologiaj Regionoj
• nederlande Arbaroj de nederlanda Limburgo.