Mistralo
forta malvarma vento blovanta nordokcidenten el Mediteraneo en Francion
La mistralo (okcitan-provence: mistrau; okcitan-langvedoke: mistral; katalune: mestral; korsike: maestrale) estas denordokcidenta vento, kiu trablovas la mediteranean marbordon de Francio. Ĝi estas freŝa aŭ malvarma vento, ofte fortega, kiu troveblas en la norda parto de la okcidenta mediteranea baseno. Plej ofte ĝin akompanas seka kaj tre suna vetero. Ĝi estas grava ero de la klimato de la sudfranca regiono Provenco.
Mistralo povas blovi je pli ol 90 km/h, ĉefe en la rodana valo pro la kuvefiko de la Centra Masivo kaj de la Alpoj.