Modernaj Robinzonoj

Modernaj Robinzonoj subtitolita En la Siberia Praarbaro , estas konciza aŭtobiografio de Teodoro Ŝvarc (aŭ Tivadar Schwartz aŭ Soros Tivadar), originale Esperantlingve verkita.

Modernaj Robinzonoj
Aŭtoro	Teodoro Ŝvarc
Eldonjaro	1923
Urbo	Budapeŝto
Eldoninto	Literatura Mondo
Paĝoj	88

Modernaj Robinzonoj aperis unuafoje felietone en la revuo Literatura Mondo en 1923 kaj eldoniĝis en la jaro 1924 en Budapeŝto libroforme kiel 88-paĝa libreto. En 1999 dua, korektita eldono aperis en Berkeley ĉe eldonejo Bero, kun enkonduko de Humphrey R. Tonkin kaj kolora mapo.

Lingvaj versioj

Modernaj Robinzonoj ekzistas en jenaj tradukoj:

• Angle: Crusoes in Siberia, tradukis Humphrey Tonkin. New York, eld. Mondial,  xxxi, 93 paĝoj, 2010

• Itale: Robinson in Siberia: Una rocambolesca fuga di gruppo nella Russia della rivoluzione, tradukis Margherita Bracci Testasecca, Udine, Italio, eld. Gaspari Editore, 121 paĝoj, 2010
• Ĉeĥe: Robinsoni na Sibiři. tradukis Jindřiška Drahotová. Dobřichovice, KAVA-PECH, 104 paĝoj, 2016.

Recenzoj

	„ Vivo, suferado, forkuro de militkaptitoj tra multaj aventuroj. Simpla, vigla stilo. ” — Enciklopedio de Esperanto

	„ Interesa priskribo de vojaĝoj faritaj de forkurintaj militkaptitoj. Bona kaj klara stilo. ” — 1924, Historio de Esperanto II, paĝo 565

	„ Plej interesa rakonto el la vivo de militkaptitoj en Siberio dum ia lasta militado. La lingvo uzita estas plej flua. Ni rekomendas la legadon de tiu literatura verketo, per kiu oni sekvos kun emocio la aŭtoron en lia aventurplena migrada vivo. ” — Belga esperantisto n113-114 (jul-aug 1924)

Vidu ankaŭ

• Maskerado ĉirkaŭ la morto
• Teodoro Ŝvarc

Eksteraj ligiloj

• Enciklopedio de Esperanto/M en sia originala formo en la Interreto
• Katalogo de Heredaĵbiblioteko Hendrik Conscience