Nederlands-Esperanto-Nederlands

Nederlands-Esperanto-Nederlands ; Prisma Woordenboek
Aŭtoro	Adriana J. Middelkoop
Eldonjaro	1971
Urbo	Utreĥto
Eldoninto	Het Spectrum
Paĝoj	430
ISBN	90 274 3471 9
	v • d • r

La Nederlands-Esperanto-Nederlands, subtitolita Prisma Woordenboek, estas vortaro kompilita de Adriana J. Middelkoop. Ĝi aperis en 1971 ĉe eldonejo "Het Spectrum" en Utreĥto kaj Antverpeno. Estiĝis reeldonoj en 1986 kaj 1987.

RecenzojRedakti

„ Jam delonge la nederlandlingvanoj devis kontentiĝi per malmodernaj kaj tute ne kompletaj vortaroj. La nova vortaro de Het Spectrum, eldonejo i.a. de pluraj aliaj vortaroj, finfine povas anstataŭi ilin kaj certe estos fidinda gvidilo.
La aŭtorino en la enkonduko skribis, ke ŝia penado al kompleteco estis haltigata de la maksimuma amplekseco de la vortaro. Malgraŭ tio ĉi, dum dumonata uzado, la libro neniam donis kialon por seniluziiĝi. Krom la kompleteco, granda avantaĝo de tiu ĉi vortaro estas la ofte bonegaj tradukoj de diversaj nederlandaj esprimoj kaj proverboj, antaŭe tre malfacile troveblaj.
Ĉu tamen nenio malbona direbla pri tiu ĉi verko? Nur pri malmulte oni povus eventuale plendi; Preseraroj estas kelkaj, precipe forfaloj de la supersignoj de la ĉ, ĝ, ŝ ktp. La kvin milionoj da nederlandlingvanoj en Belgujo povus plendi pri la fakto, ke ili tute estas neglektitaj. Ekzemple en la listo de mallongigoj troviĝas KEG ^[1], KUNE ^[2], LEEN kaj FEN ^[3], sed BEF ne estas trovebla. La vorto "doctorandus", kiu en la du landoj havas malsaman signifon, aperas nur kun traduko de la nordnederlanda senco.
Sed malgraŭ tio ni povas nomi la vortaron valora verko, certe nepraĵo por ĉiu nederlandlingvano. ”

— aprilo 1972, Paul Peeraerts, Esperanto, 796 (4), paĝo 66