Malfermi la ĉefan menuon
Nicola Sturgeon - la Ĉefministro de Skotlando

Nicola Sturgeon (naskiĝinta la 19-an de Julio 1970) estas skota politikisto, la kvina kaj nuna unua ministro aŭ ĉefministro de Skotlando kaj la estro de la Skota Nacia Partio. Ŝi fariĝis unua ministro kaj partiestro en 2014. Sturgeon estas parlamentano en la skota parlamento ekde 1999, ĉiam reprezentante Glasgovon, kiu historie estis politike grava urbo por la Laborista Partio. Ĝis 2007 ŝi havis regionan sidlokon en la parlamento kaj ekde 2007 ŝi tenis distriktan sidlokon de Glasgow Govan/Glasgow Southside.

Politika karieroRedakti

Sturgeon anoncis en 2004, post la rezigno de John Swinney, ke ŝi estos kandidato por la voĉdonado de partiĉefo. Tamen Alex Salmond poste anoncis sian kandidatecon por partia gvidanto, malgraŭ sia promeso ke li ne partoprenos kiel kandidato, kaj petis Sturgeon ke ŝi estus lia kandidata vicpartiĉefo. Sturgeon finis sian kandidatecon por partiestro kaj iĝis vicpartigvidanto kiam Salmond gajnis la voĉdonado por partiestro.

La Skota Nacia Partio iĝis la plej granda en la 2007-a skota balotado. Salmond sekve fariĝis unua ministro de Skotlando kaj Sturgeon fariĝis vicĉefministro. En la 2011-a skota voĉdonado la Skota Nacia Partio pligrandigis sian plimulton kun 44% de regionaj voĉdonoj, 45,5% de distriktaj voĉdonoj kaj 69 el 129 sidlokoj. La partio poste perdis kvin sidlokojn.

Sturgeon fariĝis patriestro la 14-an de Novembro 2014 kaj ĉefministro la 19-an de Novembro 2014, kiam Alex Salmond rezignis post la malvenko de la skota sendependistoj en la referendumo pri skota sendependeco. Dum la 2015-a ĝenerala voĉdonado la Skota Nacia Partio gajnis 56 el 59 skotaj sidlokojn kun 50% de voĉdonoj.

Nicola Sturgeon estis elektita "skota politikisto" en 2008, 2012 kaj 2014 de la ĵurnalo The Herald.