Nicolas Baudin
Nicolas Thomas Baudin [bodEn] (Saint-Martin-de-Ré, Insulo Ré, 17-a de februaro de 1754 - Port-Luiso, Maŭricio, 16-a de septembro de 1803) estis maristo, ŝipoficiro, esploristo, mapisto, hidrografo kaj naturalisto franca, memorita ĉar li realigis du gravajn sciencajn vojaĝojn — al Antiloj (1796-98) kaj al Aŭstralio (1800-03)— dum kiuj oni kolektis sècimenojn kaj informon aluda al plantoj, birdoj kaj insektoj.
| Nicolas Baudin | |
|---|---|
| |
| Persona informo | |
| Naskiĝo | 17-an de februaro 1754 en Saint-Martin-de-Ré |
| Morto | 16-an de septembro 1803 (49-jaraĝa) en Insulo Maŭricio |
| Mortokialo | tuberkulozo |
| Lingvoj | angla • franca |
| Ŝtataneco | Francio |
| Okupo | |
| Okupo | esploristo • natursciencisto |
Biografio redakti
Nicolas Baudin naskiĝis en Saint-Martin-de-Ré, en la marborda Insulo Ré. Dekkvinjaraĝa li aliĝis al komerca ŝiparo kaj 20jaraĝa al la Franca Kompanio de Orientaj Hindioj. Aliĝinta en la franca ŝiparo, servis en la Karibio dum la Usona Milito de Sendependeco.
Fininta la milito, estis kapitano de diversaj ŝipoj kiuj transportis botanikistojn el Aŭstrio al la Hinda Oceano kaj al la Pacifiko. Tiam Baudin lernis botanikon same kiel la sistemon pluteni animalojn kaj plantojn vive surŝipe.
En 1792, Francio deklaris militon kontraŭ Aŭstrio kaj Baudin klopodis malsukcese realiĝi al la franca ŝiparo. Revenis en Francion en 1795 kaj vizitis Antoine de Jussieu ĉe la Muzeo de Natura Historio por proponi al li botanikan ekspedicion al Karibio. La veturo estis sukcesa kaj Baudin revenis al Francio kun grava kolekto de plantoj, birdoj kaj insektoj.
Oktobre de 1800 li estis elektita por estrado de ekspedicio kiu devis mapigi la marbordon de Aŭstralio. Li disponis el du ŝipoj nome Le Géographe kaj Le Naturaliste kaj estis akompanata de naŭ naturalistoj kaj botanikistoj, inter ili Jean Baptiste Leschenault de la Tour.
Ili alvenis en Aŭstralion en majo de 1801 kaj en aprilo de 1802 ili trafis kun Matthew Flinders, kiu same estis mapiginta la marbordon, en Encounter Bay. Baudin haltiĝis en la brita kolonio Sidnejo por akiri manĝon kaj novan ŝipon dum li sendis Le Naturaliste revene hejmen kun la kolektitaj specioj. Li direktis sin al Tasmanio kaj pluis al Timoro. Revene hejmen, Baudin haltiĝis ĉe Port-Luiso, nuna insulo Maŭricio (tiam laŭnome Insulo de Francio), kie li mortiĝis pro tuberkulozo.