Niederwil AG
| Niederwil | |
|---|---|
 | |
 | |
| komunumo en Svislando | |
| Kantono | Argovio |
| Distrikto | Bremgarten |
| Koordinatoj | 47° 22′ 50″ N 8° 17′ 50″ O / 47.38056 °N, 8.29722 °O (mapo)Koordinatoj: 47° 22′ 50″ N 8° 17′ 50″ O / 47.38056 °N, 8.29722 °O (mapo) |
| Nombro de loĝantoj | 2394 |
| Areo | 6,15 km² |
| Alteco | 405 m super marnivelo |
| Poŝtkodo | 5524 |
| Komunumkodo | 4072 |
 | |
Pri la komunumo redakti
Niederwil estas komunumo en la distrikto Bremgarten de Kantono Argovio, Svislando. Ĝi havis 2394 loĝantojn je la 31-a de decembro 2008.
Geografio redakti
Niederwil situas ĉe la okcidenta bordo de la rivero Reuss. La komunumo konsistas el la komunumopartoj Niederwil, Nesselnbach kaj Gnadenthal.
Najbaraj komunumoj redakti
La komunumo Niederwil limas en nordo al Stetten, en oriento al Künten, en sudoriento al Fischbach-Göslikon, en sudo al Wohlen, en okcidento al Hägglingen, kaj en nordokcidento al Tägerig.
Trafiko redakti
Niederwil estas krucpunkto de la poŝtaŭtolinio de Wohlen al Mellingen kaj de Bremgarten al Baden.
Tra la komunumo pasas la kantona ĉefvojo de Bremgarten al Baden. La plej proksima alveturejo al la svisa aŭtovojo A1 troviĝas en distanco de proksimume 5 km norde en Dättwil.
Monaĥejo Gnadenthal redakti
Vidinda estas la Monaĥejo Gnadenthal kun sia malfrubaroka preĝejo. La cistercia monaĥejo estis oficiale fondita en la jaro 1394 el jam ek de la 12-a jarcento ekzistanta monaĥina komunumo, kie tie vivis.
Historio redakti
La unua dokumenta mencio de Niederwil datiĝas el la jaro 924 kiel Wilare.
La alta jurisdikcio pri Niederwil apartenis en mezepoko al la Grafoj de Lencburgo kaj post ties formorto al la Habsburgoj. En la jaro 1415 la regiono estis konkerita de la Svisa Ĵurkomunumo. Niederwil formis nun kun Tägerig kaj Nesselnbach la Voktejon Niederwil de la Libera Distrikto, teritorio sub komunuma regado de la tiamaj membroj de la Svisa Ĵurkomunumo.
Kiam okaze de la Helveta Revolucio Argovio estis liberigita de la ĵurkomunuma servuteco kun helpo de francaj trupoj, la nidervilanoj luktis kontraŭ la revolucio kaj la nova ordo. La 26-an de aprilo 1798 okazis en la vilaĝo bataleto kun franca kompanio, dum kiu mortis 12 vilaĝanoj. Ek de tiam la komunumo estis integrita al la helveta Kantono Baden, kiu estis integrita en la jaro 1803 al la nuna Kantono Argovio.
En la jaro 1901 la Nesselnbach kaj Gnadental, kiuj kune formis ĝis tiam sendependan komunumon, estis kunigitaj kun Niederwil al la hodiaŭa unueca politika komunumo.
Vidu ankaŭ redakti
- Aliaj lokoj kun la nomo Niederwil
Eksteraj ligiloj redakti