Nitroglicerino

Nitroglicerino (aŭ glicerina trinitrato) estas nitrat-acida estero de glicerino (tiel la ĝusta nomo estus glicerintrinitrato, ĉar ĝi estas estera kaj ne nitro-kombinaĵo). Ĝi estas senkolora, venena, en akvo nesolvebla likvo. Nitroglicerino estas produktata el nitrata acido kaj koncentrita fumanta sulfura acido. Ĝi brulas kviete, sed je bato eksplodas.

Kemia strukturo de nitroglicerino

Nomo

Laŭ historia respekto oni uzas la nomon "Nitroglicerino", laŭ moderna korekta normado la nomo estas glicerina trinitrato.

Produktado

Oni produktas el ĝi diversajn eksplodaĵojn (dinamito, eksploda gelateno). La nomo dinamito estis de Alfred Nobel.

Uzo

Ĝi estas uzata en terapeŭtiko kontraŭ angina pectoris.

Vidu ankaŭ

• Ascanio Sobrero
• Alfred Nobel kaj dinamito
• Eksplodaĵo

Eksteraj ligiloj

• Eksplodaĵo fariĝas medikamento - Historio de nitroglicerino: 5 paĝoj germane Ein Sprengstoff wird Medikament - Entdeckungsgeschichte des Nitroglycerins.