Norman Booth
(Alidirektita el Norman BOOTH)
Norman BOOTH (budh) (naskiĝis la 9-an de aprilo 1894 en Netherton, Huddersfield - mortis la 30-an de junio 1976 en Bridlington, Britio), estis angla esperantisto.
Li lernis la Internacian Lingvon en 1912 kaj aktivis ĉefe en Skolta Esperanto-Ligo, dum multaj jaroj kiel ĝia sekretario, poste vicprezidanto kaj honora prezidanto. Li mem estris skoltan grupon kaj verkis multajn artikolojn pri Esperanto kaj skoltismo.
Li estis fervora propagandisto de Esperanto kaj verkis multajn nacilingvajn kaj Esperantajn artikolojn, kunorganizis siatempe Britan Kongreson de Esperanto en Bridlington, longtempe plenumis la taskojn de delegito kaj fakdelegito de UEA.
