Nuntempaj rakontoj

Nuntempaj Rakontoj estas 80-paĝa libro aperinta en 1922, kiu enhavas rakontojn de Georgi Stamatov, kiujn el la bulgara tradukis Ivan Krestanov. Ferdinand Hirt & Sohn eldonis la verkon kiel volumon 8 de la serio Internacia Mondliteraturo.

Nuntempaj Rakontoj
Aŭtoro	Georgi Stamatov
Eldonjaro	1922
Urbo	Lepsiko
Eldoninto	Ferdinand Hirt & Sohn
Paĝoj	80

Recenzoj

	„ Stamatov estas ironiisto kaj pesimisto. Rapida sinsekvo de l' agoj aŭ diroj. Flua, viva stilo de l' tradukanto. ” — 1922, Georges Stroele, Esperanto, paĝo 219 (laŭ Enciklopedio de Esperanto)

„ Stamatov estas ironiisto kaj pesimisto. En vilao apud la maro ni vidas ke virina amo, kiun ne velkus krimo de l' amato cedas tuj post seniluziiĝo pri ties riĉeco. En la "Tombejo" montras al ni amanton kiu tiel obstine volas konfesigi de la karulino ŝian fidelon, ke fine ŝi ribelas kaj forlasas lin. "En estinteco" diras la malgajan sorton de virino, kiu perdinte sian honoron devas kompreni ke pura amo nun estos por ŝi nepre neatingebla. Pri unu anguleto de l' animo" pruvas ke ĉiu devas gardi kaŝitaj siajn intimajn pensojn ĉar troa sincero eĉ bonajn geedzojn tute disigos. Fine en "Du talentoj" ni lernas ke se unu naskiĝas talenta verkisto, alia talenta fripono kaj male ol oni supozus estas la unua kiu envias la duan. Laŭ tiaj elektitaj rakontoj, Stamatov estas verkisto komparebla kun la plej bonaj en la tutmondo aŭtoroj de mallongaj trafaj noveletoj. La tradukinto havas fluan vivan stilon kaj baldaŭ oni nekonscias legi paĝojn de balkana aŭtoro en fremda lingvo. ” — 1922(1965), Historio de Esperanto II, paĝo 507

Eksteraj ligiloj

• Nuntempaj Rakontoj ĉe Project Gutenberg
• Enciklopedio de Esperanto/N en sia originala formo en la Interreto
• Katalogo de Biblioteko Hippolyte Sebert
• Katalogo de CDELI
• Katalogo de Esperantomuzeo kaj Kolekto por Planlingvoj
• Katalogo de Heredaĵbiblioteko Hendrik Conscience
• Katalogo "Erfgoedbib" en LibraryThing
• Katalogo de Kataluna Esperanto-Asocio
• Katalogo de Universitato de Amsterdamo