Theora

Theora estas filma datenaranĝo kaj maniero perde densigi filmajn datenojn, disvolvata de la fondaĵo Xiph.Org. Malkiel MPEG-4, ĝi estas libere kaj senpage uzebla kaj realigebla.

Theora
Dosierfinaĵo:	ogv, ogg
MIME:	video/theora

Theora estas parto de la projekto Ogg, kaj plejofte estas uzata kun la uja aranĝo Ogg kaj la sona aranĝo Vorbis.

Kiel spekti

Tiuj ĉi listoj kompreneble probable ne estas plenaj.

HTML 5

Kiel estis komence rekomendate en HTML 5, tiuj ĉi TTT‐legiloj kapablas mem vidigi filmojn en Theora enpaĝigitajn per la elemento <video>:

• Mozilla Firefox 3.5 kaj pli novaj (do ankaŭ korespondaj versioj de GNU IceCat kaj Debian Iceweasel)
• Fennec (Firefox por poŝtelefonoj)
• Google Chrome 3 (subtenis jam je la tiam porprogramista eldono 3.0.182.2 en majo 2009)
• SeaMonkey 2.0 Beta 2 kaj pli novaj
• Opera ekde 10.50 ekde antaŭalfaĵo en Decembro 2009 (kaj porprogramistaj versioj jam en aprilo 2007)

Kromprogramoj por TTT-legiloj

• Kromprogramo por uzo de Annodex (per OggPlay).
• Java-programo Cortado.
  • Itheora (servilaĵo por pli oportune disponigi filmojn per Cortado).
• Mv Embed Arkivigite je 2011-10-06 per la retarkivo Wayback Machine por disponigi filmojn al uzantoj de diversaj kromprogramoj.
• Retumila kromprogramo de VLC Media Player.

Spektiloj

• Helix Player
• Miro Media Player
• MPlayer kaj fasadprogramoj
• Songbird
• VLC Media Player
• xine kaj ĉiuj parencaj kiel Kaffeine

Aliaj

Programoj kiuj uzas:

• FFmpeg
• GStreamer
• Phonon

• DirectShow (kun specialaj filtroj)
• QuickTime (kun XiphQT)

Filmodeponejoj

Filmoj en la datenaranĝoj kun Theora estas haveblaj aŭ spekteblaj en Vikimedia Komunejo, Interreta Arĥivo, Blip.tv, Tinyvid.tv, kelkaj sekcioj de la granda deponejo Dailymotion, kaj aliaj deponejoj.

Kiel krei kaj disponigi

(Tie ĉi ne estos kompleta gvidlibro; tiujn oni metu en la projekton Vikilibroj.)

Kreiloj

• ffmpeg2theora Arkivigite je 2008-03-11 per la retarkivo Wayback Machine estas populara transkodilo el formoj komprenataj de FFmpeg al Theora kaj Vorbis.
• Firefogg, etendoprogramo por Mozilla Firefox kaj rilataj foliumiloj, entenas ffmpeg2theora·n, kaj TTT-ejoj povas ŝalti ĝin kiam uzanto pretas alŝuti sian filmon en formo alia ol Teoro. Tiel la uzanto eĉ ne scianta pri Teoro povas alŝuti en Teoro filmon kiun li havas en sia memorilo en alia formo.
• VLC Media Player kapablas transkodi.
• OggConvert, transkodilo
• FreeJ
• PiTiVi
• LiVES
• Thoggen
• HandBrake
• KungFu DVD Ripper
• Recordmydesktop (kreas filmojn de la komputila ekrano)

Redaktiloj

• PiTiVi

Kiel disponigi rete

Per interreta servilo

• Kiel kun ĉiu alia datenaranĝo, por uzi Teoron kun HTML 5 dum la komencaj jaroj de ilia disvastiĝo povas esti necese helpi al la TTT-servilo specifigi la ĝustajn MIME-tipojn: „video/ogg“ por .ogv-dosieroj kaj „application/ogg“ por .ogg-dosieroj.
• Retservilo Apache etendeblas per speciala programo por ebligi disponigon de diversaj partoj de unu sama dosiero ĉe diversaj adresoj.
• HTML 5 havas novan econ: paĝoj de fremdaj retejoj povu inkluzivi filmojn el iu retejo nur se la servilo tion permesas. Tiu eco veras ankaŭ por tiparoj kaj iuj agoj de programetoj, kaj ĝi helpas sekurecon de la uzanto. TTT-ejestro povas ebligi atingon de ĉiuj retejoj aŭ nur de iuj apartaj.
• Ĉar ankoraŭ ne ĉiuj popularaj retumiloj kapablas ludi Teorfilmojn per si mem, oni povas voli aparte ebligi spektadon al uzantoj de la nekapablaj retumiloj. Por tio oni povas uzi la Java-programon Cortado (vd #Kromprogramoj por TTT-legiloj). Tio tamen povas esti malrapida; ja temas pri elŝutado de programeto kapabla ludi filmojn.

Per deponejo

Kiel ordinare, aŭ legu supre pri Firefogg.

Fluigiloj

• VLC
• Icecast
• FreeCast
• Flumotio
• Theora Streaming Studio

Vidu ankaŭ

• WebM, malfermita filma datenaranĝo konsistanta el ujo kun Vorbis kaj, liberigita fare de Google, VP8.

Eksteraj ligiloj

• Theora.org, la retejo pri Theora (angle)