Orellana de la Sierra

Orellana de la Sierra, nomata ankaŭ popole "Orellanita", tio estas la malgranda Orellana, ĉar proksime estas la pli granda vilaĝo Orellana la Vieja, estas municipo de Hispanio, en la provinco Badaĥozo (Badajoz) kaj la regiono Ekstremaduro. Laŭ la stato de 2023 en la municipo vivis 275 loĝantoj sur areo de 16,7 kvadrataj kilometroj, kio rezultigas loĝdenson de 16 loĝantoj/km². La loĝantoj nomiĝas orellanitos.

Orellana de la Sierra
municipo en Hispanio
Administrado
Ŝtato	Hispanio
Regiono	Ekstremaduro
Provinco	provinco Badaĥozo
Komarko	Vegas Altas
Poŝtkodo	06750
En TTT	Oficiala retejo [+]
Demografio
Loĝantaro	275  (2023) [+]
Loĝdenso	16 loĝ./km²
Geografio
Geografia situo	39° 2′ N, 5° 30′ U (mapo)39.030833333333-5.4977777777778 [+]
Alto	403 m [+]
Areo	16,7 km² (1 670 ha) [+]
Horzono	UTC+01:00 [+]
Orellana de la Sierra (Ekstremaduro) DEC Orellana de la Sierra situo en Ekstremaduro
Orellana de la Sierra (Hispanio) DEC Orellana de la Sierra situo en Hispanio kaj en tuta Iberio
Alia projekto
Vikimedia Komunejo Orellana de la Sierra [+]

Situo

Orellana de la Sierra estas situa en la centrorienta parto de Ekstremaduro, je altitudo de 403 m; je 144 km de Badajoz, provinca ĉefurbo kaj je 84 km de Mérida, la regiona ĉefurbo. La surfaco de ties teritorio estas de 16,7 km².

Ĉe Orellana de la Sierra estas la akvorezervejo de Orellana kiu estas la plej granda el la situaj en la meza fluo de la rivero Guadiana; ĝi havas surfacon de 42.600 ha.

La vilaĝo etendiĝas inter la deklivoj de la montareto de Orellana kaj la akvorezervejo de Orellana. La pejzaĝo estas belega.

Festoj

Honore al Kristo de la Sano (festoj de la Kruco). De la 3a al la 5a de majo.

Monumentoj

• Fortikaĵo de García Bejarano, konstruita el granito kaj nuntempe restaŭrita, sed kiel loĝejo. La familio Bejarano ŝanĝis sian nomon al Orellana kaj poste la fortikaĵo pasis al la Duko de la Roca.
• Preĝejo de la Sankta Spirito, de la 15-a jarcento.