Otorinolaringologio

Otorinolaringologio aŭ orel-naz-gorĝa medicino estas la medicina fako kiu rilatas al la oreloj, nazo, gorĝo kaj al la kolo. Ĝia nomo kaj akronimo malsamas inter diversaj landoj: en kelkaj ĝia nomo estas nur Otolaringologio (kiel en Usono kaj Britio: Otolaryngology) kaj en multaj la kompleta nomo inkludas mencion al kapa kaj kola kirurgio (ekz. en Usono Otolaryngology - Head and Neck Surgery aŭ en Portugalio Otorrinolaringologia e Cirurgia Cérvico-Facial); la du ĉefaj uzataj akronimoj estas ORL kaj ENT (tiun ĉi oni uzas en Usono, kun la signifo de Ear, Nose and Throat, t.e., orelo, nazo kaj gorĝo).

Ĝiaj limoj kunfandiĝas kun tiuj de aliaj fakoj, nome neŭrokirurgio, neŭrologio, alergologio, endokrinologio, ĝenerala kirurgio kaj gastroenterologio. Ĝi estas ne nur, sed ankaŭ kirurga fako, ja multaj el ĝiaj pristudataj malsanoj havas kirurgajn solvojn.

Ĉefaj studceloj redakti

Jen listeto de la ĉefaj sanproblemoj studataj de Otorinolaringologio:

Rilate la orelojn redakti

Otito (orelinflamo)
Surdeco
Vertiĝo (kapturno)
Facia paralizo (malfunkciado de la facia nervo, kiu responsas pri la movoj kaj gestoj de la vizaĝo)

Rilate la nazon redakti

Rinito (inflamo de la nazinterno) kaj Rinosinusito (inflamo de la faciaj sinusoj)
Epistakso (naza sangelfluo)
Devojiĝo de la naza septo (precipa kaŭzo de malfacila naza spirado)

Rilate la gorĝon redakti

Tonsilito, Faringito kaj Laringito (inflamo respektive de la tonsiloj, faringo aŭ laringo)
Ronkopatio (ronkado)
Benigna patologio de la voĉaj kordoj (t.e., nemortigaj malsanoj kiuj atingas la voĉaj kordoj kaj kaŭzas raŭkecon)
Laringa kancero, Faringa kancero
Fremdaj korpoj (en la faringo, laringo kaj ezofago)

Rilate la kolon redakti

Ĉiuspecaj kolaj ŝveloj, inkludante malsanoj de la tiroido kaj de la salivaj glandoj

Eksteraj ligiloj redakti

Kategorio Otorinolaringologio en la Vikimedia Komunejo (Multrimedaj datumoj)